Ealisaid II y Reeriaght Unnaneysit
(Elizabeth II of the United Kingdom)
Benrein y Reeriaght Unnaneysit


Elizabeth Alexandra Mary Windsor
Lhing 6 Toshiaght Arree 1952 – 8 Mean Fouyir 2022
Ruggit 21 Averil 1926
Boayl ruggyr Mayfair, Lunnin, Reeriaght Unnaneysit
Baase 8 Mean Fouyir 2022
Ynnyd baaish Cashtal Balmoral, Sheer Aberdon, Reeriaght Unnaneysit
Roie-immeeaght Shorys VI
Eiyrtyssagh Çhalse III
Sheshey ny Crooiney Prinse Pilip, Diuc Ghoon Edin
Reeraghtys Windsor
Jarroo-raa Dieu et mon droit

She Benrein y Reeriaght Unnaneysit as 14 çheeraghyn elley as Çhiarn Vannin va Ealisaid II (Elizabeth Alexandra Mary; 21 Averil 1926 – 8 Mean Fouyir 2022).[1] Ren ee reirey harrish 70 bleeaney as shiaght meeghyn, goaill toshiaght er 6 Toshiaght Arree 1952, as, rere shen, she ish ren reirey ny s'liurey na monark Goaldagh erbee rieau er dy henney.

Va Ealisaid ruggit ayns Mayfair, Lunnin, myr y chied phaitçhey lesh Diuc as Ben-diuc York (Ree Shorys VI as Benrein Ealisaid). Va'n ayr eck crooinit ayns 1936 lurg ren e vraar, Ree Edard VIII lhiggey voish y vonarkaght. V'ee ynsit dy preevaadjagh 'sy valley as hoshee ee goaill currymyn pobbylagh car y Nah Chaggey Dowanagh, goaill shirveish 'sy Çhirveish Heerey Choonee. Ayns Sauin 1947, phoose ee rish Philip Mountbatten, shenn flah y Ghreag as y Danvarg, as hie yn poosey oc er mayrn feie 73 bleeaney derrey laa e vaaish ayns Averil 2021. Va kiare paitçhyn oc: Çhalse III, Ben-phrinse Onnee, Ben-phrinse Reeoil, Prinse Andreas, Diuc York, as Prinse Edard, Eearley Wessex.

Noteyn

1.^ Myr monark bunraghtoil, she kione steat va'n Venrein, agh va ny pooaraghyn kiannoortagh eck caglit rere coardailyn cadjincliaghtagh.[2]
2.^ T'ad ny 14 reamyssyn ayn na: Antigua as Barbuda, yn Austrail, ny Bahamaghyn, y Chanadey, Ellanyn Holomon, Grenada, Noo Kitts as Nevis, Noo Lucia, Noo Winsen as ny Grenadeenyn, Papooey Guinea Noa, y Teelynn Noa, Tuvalu, y Veleesh, as y Yamaicey.

Imraaghyn

  1. ↑ Furness, Hannah (8 Mean Fouyir 2022). "Queen Elizabeth II dies aged 96 at Balmoral". The Daily Telegraph.
  2. ↑ Alden, Chris (16 Boaldyn 2002). "Q&A Jubilee". The Guardian.
She bun ta'n art shoh. Cur rish, son foays y yannoo da Wikipedia.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.