Thie Sollysh Charrick ny Kylliu

She sker ayns Mooir Vannin magh ass coose yiass Vannin ee Carrick ny Kylliu[a 1] (Baarle: Chicken Rock). Ta'n sker shoh ny peeshey thallooin smoo jiassagh t'er ny reirey ec Reiltys Vannin. Rere gurneilys ynnydagh, ta'n sker coontit myr ayrn jeh Skeerey Rosien. T'ee ny lhie çheu heear yiass voish y Cholloo, 4.5 km (2.8 mi) magh ass Kione Speeiney er y çheer vooar. She Thie Sollysh Charrick ny Kylliu voish yn 19oo eash yn cummey smoo fakinagh ayn. Ta'n thie sollysh 44 m (144 tr) er yrjid as va'n sollys ayn foaddit da'n chied cheayrt ayns 1875. Ta'n thie sollysh goll fo currym as obbyr ec yn Northern Lighthouse Board.[1]

Imraaghyn

  1. ↑ "Chicken Rock Lighthouse". Feddynit magh er 19 Toshiaght Arree 2014.

Fo-noteyn

  1. ↑ T'ad cur ny h-enmyn Carrick ny Kylliu, Carrick ny Colloo, as Carrick ny Keylliu er y sker. Ta Carrick ny Kirkey ry-akin chammah, keayrtyn, agh s'liklee dy nee Baarlaghys t'ayn as eh çhyndaait dy jeeragh voish Chicken Rock ny Chicken's Rock y Vaarle.

Co-ordnaidyn: 54°02′16″N 4°50′19″W / 54.03785°N 04.83858°W / 54.03785; -04.83858

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.