Ard y Joarey ayns Pobblaght Nerin as dagh coontae ayn er nyn soilshey magh

She ard jeh Keim III fo skeim NUTS ayns Nerin eh Ard y Joarey (Yernish: Réigiún na Teorann; Baarle: Border Region). T'eh goll fo stiurey as reirey Lught Reill Ardjynagh y Joarey. T'eh jeant seose jeh ny coondaeghyn Doon ny Ghoal, y Cavan, y Lhoo, Lheeahtrim, Muinaghan as Shliggagh. Ta Ard y Joarey 12,156 km2 er eaghtyr, ny 17.3% jeh eaghtyr slane y steat, as ta ny smoo na 432,500 deiney cummal ayn.[1][2] She IE011 y coad NUTS echey.

Rere Oik Ardjyn Nerin ta queig preeu-valjyn ardjynagh ec yn ard: y Cavan, Doon Jialgan, Littyr Kennain, Muinaghan, as Shliggagh.[1]

Çheer-oaylleeaght

Ta'n ard sheeyney veih'n Cheayn Sheear 'sy neear dys Mooir Vannin 'sy niar. Ta farraneyn yn daa awin s'liurey 'sy çheer (y Çhannon as an Éirne) soit ayn as t'ad kianglt ry-cheilley myr Ushtey-vollagh ny Shannon as an Éirne. She çheu çheerey eirinagh as ram cummaghyn thallooin çheer-oaylleeagh ayn eh yn ard.[1] Ta ram slieau-reaynyn as eayninyn marrey ardjey ry-gheddyn ayns Coontae Ghoon ny Ghoal, lheid as na Cruacha Gorma, Cnoic Dhoire Bheatha, as Sliabh Liag. Ta jees jeh ny tree keyllyssyn sailley ayns Nerin ry-gheddyn 'syn ard foast: Loch Súilí as Loch Cairlinn.

Lught-Reill Ardjynagh y Joarey

Ta Ard y Joarey goll fo stiurey as reirey Lught-Reill Ardjynagh y Joarey. Ta 38 ynnydee reiht er bing y Lught-Reill, goaill stiagh ynnydagh y Lught-Reill ta goaill shirveish er Bing Ardjyn yn UO. Ta ny h-ynnydee shen cruinnaghey laa 'sy vee as t'ad pointit veih ny shey coonseilyn 'syn ard:[1]

  • Coonseil Choontae Ghoon ny Ghoal (7)
  • Coonseil Choontae Lhoo (7)
  • Coonseil Choontae yn Chavan (6)
  • Coonseil Choontae Vuinaghan (6)
  • Coonseil Choontae Shliggee (6)
  • Coonseil Choontae Lheeahtrim (5)

Baljyn mooarey

Rolley ny jeih baljyn smoo ayns Ard y Joarey. Ta ny preeu-valjyn coontae currit er y rolley ayns clou trome.

Baljyn
Rhenk Balley Coontae Earroo yn phobble
(coontey-pobble 2011)
1 Doon Jialgan Y Lhoo 31,073
2 Droghad Aah Y Lhoo 30,435
3 Littyr Kennain Doon ny Ghoal 19,588
4 Shliggagh Shliggagh 19,452
5 Muinaghan Muinaghan 7,452
6 Bun Chranncha Doon ny Ghoal 7,199
7 Carraig Mhachaire Rois Muinaghan 4,925
8 Baile Átha Fhirdhia Y Lhoo 4,541
9 Bealach Féich Doon ny Ghoal 4,176
10 Y Cavan Y Cavan 3,607

Jeeagh er neesht

  • Rolley ardjyn Phobblaght Nerin

Imraaghyn

  1. 1 2 3 4 Irish Region Office - Regions of Ireland: Border Region
  2. ↑ "Border Regional Authority - Profile of the Region". Er ny hashtey veih yn lhieggan bunneydagh er 2013-08-13. Feddynit magh er 2013-03-22.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.