Dialäkt: Baseldütsch
Zoë Jenny (2002)

D Zoë Jenny (* 16. Merz 1974 z Baasel) isch e Schwizer Schriftstellere.

Lääbe

D Zoë Jenny isch z Baasel as Dochder vom Verleeger Matthyas Jenny und ere Moolere uf d Wält choo. Si isch in Baasel, in Griecheland und z Carona im Tessin ufgwaggse.

1997 isch iire erst Roman Das Blütenstaubzimmer erschiine, won e Bestseller worde und in 27 Sprooche übersetzt worde isch. Si het langi Vordraagsräise in die Veräinigte Staate gmacht, uf China und uf Japan; e zitlang het si z Nöi York, z Berlin und noch 2003 z London gläbt.

1999 isch dr Roman Der Ruf des Muschelhorns uusechoo. 2002 isch d Zoë Jenny Briisrichdere am Internazionale Filmfestival vo Locarno gsi. Si isch Kolumnistin für Die Zeit, d Financial Times und d Schwizer Illustrierti gsi.

2000 isch s Chinderbuech Mittelpünktchens Reise um die Welt erschiine und im gliiche Joor au dr Roman Ein schnelles Leben, e modärni Adapzioon vo dr Romeo-und-Julia-Thematik. Denn isch dr Künstlerroman Das Portrait uusechoo, 2010 dr Roman The Sky is Changing, wo si uf Änglisch verfasst het und 2013 dr Churzgschichte Band Spätestens morgen.

D Zoë Jenny läbt mit iirer Dochder in dr Nööchi vo Züüri.[1] Sit 2010 isch si Botschaftere vo dr schwizerische Chinder- und Jugendorganisazion Pro Juventute.

Kritik an dr Reformpedagogik vo de 1980er Joor

As Schüelere isch si vo 1982 bis 1984 uf die reformpedagogischi Freiji Volksschuel Baasel gange. Wäge iire Erfaarige dört het si 2013 im ene Ardikel in Die Welt d Reformpädagogik und die Alternativi Szene in de 1980er Joor hert kritisiert. Im Bezuug uf d Pedofiliidebatte bi de Grüene het si dr Widerstand öbbis z leere vo de Wältverbesserer, wie si ne gsäit het, kritisiert: „In den links-grünen Kommunen der Siebziger- und Achtzigerjahre lebten Kinder hochgefährlich. Frei fühlten sich vor allem die Erwachsenen, die in einer falsch verstandenen Liberalität sämtliche Grenzen überschritten.“[2]

Uszäichnige

  • 1997: Aspekte-Litratuurbriis, für Das Blütenstaubzimmer
  • 1997: Litratuurbriis vo dr Jürgen Ponto-Stifdig, für Das Blütenstaubzimmer
  • 2002: Zentralschwizer Publikumsbriis für Litratuur, für d Churzgschicht Auf der Heimfahrt

Wärk

  • Das Blütenstaubzimmer. Roman. FVA, Frankfurt am Main 1997, ISBN 3-627-00052-8.
    • as Daschebuech: btb, Münche 1999, ISBN 3-442-72383-3.
    • as Hörbuech: kürzti Fassig, glääse vo dr Alexandra Henkel. 2 MCs. Tandem, Königswinter 1998.
  • Der Ruf des Muschelhorns. Roman. FVA, Frankfurt am Main 2000, ISBN 3-627-00073-0.
    • as Daschebuech: btb, Münche 2002, ISBN 3-442-72692-1.
  • Mittelpünktchens Reise um die Welt, illustriert vom Bernd Pfarr. Hanser, Münche 2001, ISBN 3-446-20006-1.
    • as Daschebuech: dtv, München 2002, ISBN 3-423-62121-4.
  • Ein schnelles Leben. Roman. Aufbau, Berlin 2002, ISBN 3-351-02951-9.
    • as Daschebuech: Aufbau, Berlin 2003, ISBN 3-7466-2059-7.
    • as Hörbuech: Lääsig mit dr Sascha Icks. Produkzion: Südwestrundfunk. 3 CDs. DAV, Berlin 2002.
  • Das Portrait. Roman. FVA, Frankfurt am Main 2007, ISBN 978-3-627-00142-1.
    • as Daschebuech: btb, Münche 2009, ISBN 978-3-442-73905-9.
  • The Sky is Changing. Roman. Legend Press, 2010, ISBN 978-1-906-55817-8.
  • Sugar Rush. Churzgschicht. Probsthayn (Literatur-Quickie 38), Hamburg 2011, ISBN 978-3-942212-38-0.
  • Spätestens morgen. Erzäälige. Frankfurter Verlagsanstalt, Frankfurt am Main 2013, ISBN 978-3-627-00197-1.

Litratuur

  • Zoë Jenny im Munzinger-Archiv (Artikelaafang frei abruefbar)

Weblingg

Fuessnote

  1. ↑ «Sie zieht nach Zürich - mit neuer Liebe» uf dr Website vo dr Schwizer Illustrierte, abgrüeft 26.10.2013
  2. ↑ Zoë Jenny: Meine Lehrer waren pädophile Weltverbesserer in Die Welt vom 14. Oktober 2013
Dä Artikel basiert uff ere fräie Übersetzig vum Artikel „Zoë_Jenny“ vu de dütsche Wikipedia. E Liste vu de Autore un Versione isch do z finde.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.