D Wilket (wíllkχət) isch e Bergzuug i de Gmaind Neggertaal. Im Noorde stiiget er määssig aa, im Süüde ghaiter stail abe. De höchsti Punkt isch d Wilkethööchi, au Spitzhööchi gnennt, mit 1171 Meeter. Im Weste isch de Geresattel (1002 müM), denn chunnt de Furtberg. Ende tuet de öberem Dorf Brunnoodere. Im Ooste isch de Chubelwald. Ufem Groot no goot e Wanderweeg. De Bergzug isch staarch biwaldet und e Rückzugspiet för seeltnigi Tieraarte, wie d Gams (Rupicapra rupicapra). Seltnigi Vögel wo do brüetet sind de Staiadler (Aquila chrysaetos), de Draizechespecht (Picoides tridactylus), de Taneherevogel (Nucifraga caryocatactes) oder de Bommpiiper (Anthus trivialis). Vo 1930 bis zo sim Tood hett innere Hööhli i de Wilket de Böscheli-Scherrer (1874-1948) glebt, wo sich fo de Mentsche zruggzoge hett.