| Widmer, Erlacher & Calini | |
|---|---|
| Unternähmensform | Partnerschaft |
| Gründig | 1910 |
| Sitz | Baasel, Schwiz |
| Branche | Archidekduurbüro |
| Dialäkt: Baseldütsch |
Widmer, Erlacher & Calini isch en Archidekturbüro z Baasel am Aafang vom 20. Joorhundert gsi. 1907 het sich dr Emanuel Erlacher mit em Alfred Widmer zämmedoo und d Firma Widmer und Erlacher gründet. 1910 isch dr Richard Calini Partner in dr Firma worde und dr Naame isch zu Widmer, Erlacher & Calini gänderet worde.
Meereri vo iire Geböid in dr Stadt und dr Umgääbig gälte as Kulturgüeter, drunder d Äifamiliehüüser an dr Wettstäiallee 42 und 40 im Gläibaasel und s dänggmolgschützte Kiechli.
En Uswaal vo iire Bauwärk
S Äifamiliehuus an dr Wettstäiallee 40 z Baasel
Woonhüüser
- Marschalkestrooss 53 (1910/11)
- Undere Rhiiwääg 40/42 (1911)
- Amslestrooss 15/17 (1911/12)
- Wettstäiallee 40/42 (1912/13)
Anderi Geböid
- S Kiechli zämme mit em Lörracher Archidekt Max Läuger (1911/12)
- Dr Bolizeiboste am Wielandblatz (1914)
- Renowazion vom Schützehuus (1915)
- S Verwaltigsgeböid vo dr Schwizer Mustermäss, Clarastrooss 61 (1923-1926)
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.