Werrikä
S Wappe vo Werrikä
S Wappe vo Werrikä
Basisdatä
Staat:Schwiiz
Kanton:Züri (ZH)
Bezirk:Uschterw
GmeindUschter
PLZ8600
Koordinate:695359 / 246491
Höchi:456 m ü. M.
Flächi:ca. 2 km²
Iiwohner:250 (31. Dezember 2008)[1]
Websitewww.werrikon.ch
Werrikon
Werrikon

Werrikon

Charte
Charte vo Werrikä
Charte vo Werrikä
www

Werrikä (amtlichi Schrybwys: Werrikon) isch ä ehemaligi Zifilgmeind und äs Quartiär, ä sogenannti Ussäwacht vo dä Gmäind Uschtär im glychnamigä Bezirk. Am 31. Dezämbär 2008 hät Werrikä öppä 250 Ywonnär ghaa.

Geografi

Werrikä lyt zwüschät dä Schtatt Uschtär und dä Ussäwacht Nännikä im Nordä vo dä Gmäind Uschtär. Vo dä Schtadt wird Werrikä dur äs Naturschutzgebiät mit Moor und chlinä Täich abtrännt. S Dorf hät sin ländlichä Charaktär bewaart. Südlich vom Dorf füärt d Isäbaanliniä durä, wo Werrikä i zwäi Täil schnidät. Südlich vo dä Baanliniä lyt ä chlini Induschtryzone und befindät sich di wenigä Boulandreservä vo dä Gmäind Uschtär.[2]

Wappä

Uf ämä blauä Schild befindät sich zwäi goldigi Äichlä, wo vomänä siblrigä Fluss trännt werdäd, wo diagonal übär dä Schild värlauft. S Wappä vo Werrikä isch käs tradizionells Wappä sondärn isch i dä Jaar 1975 bis 1976 noi gschaffä wordä.[3]

Värcheer

Dur Werrikä gaat d Hauptschtrass 340 vo Züri-Nord durch Hegnau-Volätschwil uf Uschtär. S Dorf wird dur di wichtigi S-Baan-Liniä vo Uschtär uf Züri täilt, äs git abär in Werrikä wedär än Baanhof no ä Bushaltschtell. Bis zum Baanhof Uschtär isch äs rund zä Minutä z Fuäss. Di berüämti Barrierä a dä Hauptschtrass, wo me zuä als offä isch, täilt s Dorf mäischtäns i zwäi Helftinä. Scho sit langär Zyt wird dä Bou vonärä Untärfüärig värlangt, abär wäg dä höchä Chöschtä isch d Realisiärig no immär i wytär Ferni.

Naturschutzgebiät

Öschtlich vo Werrkiä bräität sich äs usdeents Naturschutzgebiät mit vilnä chlinä Seeä und Moorgebiät uus, wo s Dorf vom Rescht vo dä Schtadt Uschtär trännt. S Naturschutzgebiät isch än Zuäfluchtsort für vili bedrooti Amphibiä und Vögäl wiä zum Byschpil äm Wyssschtorch.

Gschicht

Di erschti urkundlichi Erwenig vo Werrikä schtammt us äm Jaar 1250 inärä Güätärlischtä vom Chloschtär Rüti.[4] Am 9. Juli 1927 isch Werrikä mit dä übrigä Zivilgmäindä vo Uschtär zämägläit und i di noi politischi Gmäind Uschtär integriärt wordä.[5]

Bildär

 Commons: Werrikä – Sammlig vo Multimediadateie

Fuässnotä

  1. ↑ Bilanz der ständigen Wohnbevölkerung nach Bezirken und Gemeinden uf bfs.admin.ch (Bundesamt för Statistik)
  2. ↑ Quällä: Werrikon uf de Online-Chartä vo Swisstopo
  3. ↑ Quällä: Stadtarchiv & Kläui Bibliothek Uster
  4. ↑ Erste urkundliche Erwähnung Werrikons under "Gschicht, Chronologii" uf de amtliche Website vo dä Schtatt Uschtär (Memento vom 15. April 2014 im Internet Archive)
  5. ↑ Quälle: Chronologie uf de Syte über d Gschicht fo dä Stadt Uschter (uster.ch)
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.