| Walfer dt. Walferdingen, frz. Walferdange | |
| Wappe | Charte |
|---|---|
 S Wappe vu Walfer |  D Lag vu Walfer |
| Basisdate | |
| Land |  Luxeburg |
| Koordinate: | 49° 39′ N, 6° 8′ O |
| Distrikt | Lëtzebuerg |
| Kanton | Lëtzebuerg |
| Yywohner | 4977 (1. Jänner 2011) |
| Bevelkerigsdichti | 701,0 Ywohner/km² |
| Hechi | 234m ü. NN |
| Sproch(e) | Lëtzebuergesch |
| Zytzone | UTC+1 |
| Burgermaischter | Guy Arendt (DP) |
| Internetsite | www.walfer.lu |
| Bild | |
 Rothuus | |
Walfer (dt. Walferdingen, frz. Walferdange) isch aini vu dr 105 Gmaine z Luxeburg.
Ortsdail
Zue Walfer ghere d Ortschafte Bäreldeng (Bereldingen/Bereldange), Helsem (Helmsingen/Helmsange) un Walfer.
Geografi
Walfer lyt im Dal vu dr Alzette. D Nochbergmaine sin d Stadt Lëtzebuerg im Side, Koplescht im Weschte un Steesel im Norde un Oschte.
In eme Stolle am Sonnebierg isch friejer Chalch abböue wore. Hite wird e wäg syne optimale Bedingige zum Ufstelle un Uusprobiere fir geophysikalischi Mässinschtrumänt brucht.
Verwaltig
Walfer ghert zum Kanton Lëtzebuerg im Distrikt Lëtzebuerg. Dr Burgermaischter vu Walfer isch dr Guy Arendt (DP). Scheffe sin dr Alain Weins (LSAP) un d Henoké Courte-Wolde Medhin (LSAP). Gwehlt wird iber e Proporzwahl.
- Burgermaischter
- 1967 - 1987 : Carlo Meintz
- 1988 - 1995 : Erna Hennicot-Schoepges
- 1995 - 1999 : Marcel Sauber
- 2000 - 2002 : Carlo Meintz
- syter 2003 : Guy Arendt
Bevelkerigsentwicklig
| Johr | 1821 | 1851 | 1871 | 1880 | 1890 | 1900 | 1910 | 1922 | 1930 |
| Yywohner | 2135 | 3198 | 3903 | 4020 | 3382 | 3200 | 3280 | 3410 | 4143 |
| Johr | 1935 | 1947 | 1960 | 1970 | 1981 | 1991 | 2001 | 2002 | 2003 |
| Yywohner | 4184 | 4098 | 3904 | 3920 | 3824 | 3961 | 4567 | 4507 | 4510 |
| Johr | 2004 | 2005 | 2006 | 2007 | 2008 | 2009 | 2010 | 2011 | |
| Yywohner | 4514 | 4577 | 4657 | 4688 | 4740 | 4767 | 4851 | 4977 |
Gschicht
D Gmai Walfer isch gschaffe wore dur e Gsetz vum 25. Novämber 1850, dervor hän d Ortschafte zue Steesel ghert.
Walfer isch zum erschte Mol gnännt wore anne 867/8 as Vualfradinga (Regnum Francorum online Echternach no.150).
Dialäkt
Dr luxeburgisch Dialäkt vu Walfer ghert zum Moselfränkisch.
Kultur un Böuwärch
- Remischi Villa z Helsem (1. Jh., entdeckt 1990)
- Schloss Walfer (1824-28), hite Dail vum Campus vu dr Universitet Luxeburg
- Chilche Hl. Dreifaltigkait, Walfer (1845-48)
- Walfer Biecherdäg (Walfer Bicherdeeg, syt 1995)
Schloss Walfer 
Remischi Villa, Helsem 
Chilche Walfer 
Bahnhof 
Chalchstolle am Sonnebierg 
Walfer Biecherdäg
Partnergmaine
Limana, Italie
Longuyo, Frankrych
Schmitshausen, Dytschland
