Walesee
De Walesee by Walestadt
Date
Name:	Walesee
Lag:	Oschtschwyz
Flächi	24 km²
maximali Tiefi:	151 m
Zueflüss:	Linth, Seez
Abflüss:	Linthkanal
Höchi (m ü.M.):	419 m
Grösseri Ort am Ufer:	Weese, Walestadt
Besungerheite:
Charte
Walesee

Dr Walesee isch e See i de Kantön St. Galle u Glarus.

Dr Name bedütet eigentlech "See vo de Welsche", wöu im Früemittuauter dr Walesee während langer Zyt d'Sprachgränze zwischen de im Weschte läbende Alemanne u de Rätoromane im Oschten biudet het. (Lueg ou: Walestadt.)

Dr See ligt uf 419 m.ü.M. u het e Oberflächi vo 24 km². Syni Tiefi betreit 151 m. Dür syni bsungeri Lag (inmitte emene Tau u uf beide Syte bis zu 1000 Meter höchi Steilhängine) isch d'Wassertemperatur am Walesee um nes paar Grad chäuter aus a benachbarte See. Är wird im Summer säute über 20 °C warm.

Dr Houptzuefluss isch d'Seez gsy. Syt dr Linthkorrektur i de Jahre 1807 bis 1811 isch d'Linth dr Houptzuefluss. D'Linth het vorhär de Walensee gar nid tangiert u isch vom Glarnerland us direkt i Richtig Zürisee gflosse.

Sicht ufe Walesee u Walestadt vom Seluu us

Wichtigi Ortschafte am Walesee sy Walestadt, Weese, Quarte, Murg. By Tourischte am beliebteschte isch die nördlech vom Walesee glägeni outofreii Ortschaft Quinte, weli nume dür Schiff oder dür e mehrstündigi Wanderig z'erreiche isch u nes Mittumeerklima bietet. Nördlech vom Walesee befindet sech d'Sonneterrasse Amde u d'Bärgchetti Churfirschte. Südlech vom See befindet sech d'Winter- u Summer-Tourismusregione Flumserbärg u Kerenzerbärg.

Verkehrstechnisch isch dr Walesee e grossi Herusforderig gsy, wöus dört chuum Äbine git. So trassiere Ysenbahn wie ou Outobahn de Walesee dür Galerie u Tunnäus.

Schiffahrt

d Schiff vom Walesee

Schiff	Boujaar	Wärft	Gsellschaft	neue Name	wo ane	Abbruch	Bild
Minerva	1834	William Fairbairn	Caspar, Lämmlin & Co	1848 Splügen	1839 Walesee 1860 Zürisee	1863
Delphin	1842/43				1850 Walesee	1850
Linth-Escher[1]	1837	Caspar Escher	Linth-Escher AG		bis 1859 au uf em Walesee	1862
Linth-Escher[2]	1914		(Walesee)	1951 Länder, 1955 Fridolin	1927-1950 Zürisee, 1951 Vierwaldstättersee, 1955 Walesee	(1977)
Brisi[3]	1972	Deggendorf	Hartschotterwerk Mühlehorn-Quinten			2014
Schwan[4]			Schiffsbetriib Walesee		(nicht mehr eingelöst[5])
Gonzen[6]			Schiffsbetriib Walesee
Quinten	1987	Mathias Streiff, Schwanden	Schiffsbetriib Walesee
Churfirsten	1976	Mathias Streiff, Schwanden	Schiffsbetriib Walesee
Seestern[7]	1982		Schiffsbetriib Walesee	1980-1981 Wolfsberg uf em Bodesee
Walenstadt[8]	1982	Hasler-Werft, Rotzloch	Schiffsbetriib Walesee	ursprünglich Liberty uf em Vierwaldstättersee bis 1997, Hörifäri uf en Bodesee bis 2014[7]
Alvier	1918 (1909?)	Spreewerft Wilhelm Strack, Berlin-Stralau[5]	Schiffsbetriib Walesee	ab 1921 Dornröschen (Zugersee), 1923 Seebueb (Zürisee), 1954-1986 Quinten (Walesee), 1991 Alvier[8]
Murg			Schiffsbetriib Walesee		?	?
Linth[9]	1978	Othmar Walser, Quinten	Schiffsbetriib Walesee			2017
Elektra	1837				?
Orlanda					?
Riva[8]	1919				?	1929?
Riva[8]	1935				?	1955?

Literatur

• Jakob Kuratli Hüeblin: Walensee In: Historisches Lexikon vo dr Schwiiz.
• Guido Städler: Walensee-Schiffahrt 1837–1987. 150 Jahre «moderne» See- und Schiffahrtsgeschichte. Städler, Walenstadt 1987.
• Guido Städler: Walensee-Schiffahrt, Linth-Schiffahrt. Walensee–Linth–Zürichsee. Sarganserländer Verlag, Mels 1996. 2. Auflage 2012.

Weblink

 Commons: Walesee – Sammlig vo Multimediadateie

• Waleseeschifffahrt

Fuessnote

1. ↑ Guido Städler: Walensee-Schifffahrt/Linth-Schifffahrt; Mels 2012; S. 71-76. – Kurt Hunziker, Robert Knöpfel: Die Zürichsee- Schifffahrt; Zürich 2014; S. 31-32.
2. ↑ Guido Städler: Walensee-Schifffahrt/Linth-Schifffahrt; Mels 2012; S. 96-101, 157-159.
3. ↑ Guido Städler: Das langsame Ende des letzten Walensee-Ledischiffs; in: Südostschweiz, 13. September 2014.
4. ↑ Guido Städler: Das langsame Ende des letzten Walensee-Ledischiffs; in: Südostschweiz, 13. September 2014.
5. 1 2
6. ↑ Guido Städler: Das langsame Ende des letzten Walensee-Ledischiffs; in: Südostschweiz, 13. September 2014.
7. 1 2
8. 1 2 3 4
9. ↑