dr Lauf vo dr Waal

D Waal isch dr gröscht Flussarm vom Rhy z Holland im Delta vor dr Nordsee.

Geografy

Wo dr Rhy über d Gränze vo Dütschland uf Holland chunt, deilt sech s Wasser bi Millinge. D Holländer säge däm Stromabschnidd bis dörthii us irere Sicht Oberrhy (Boven-Rijn). Bi Millinge flüsse zwe Drittel vom Rhy i d Waal und ei Drittel zum holländische Niderrhy, wo wyter unde Lek heisst.

Bi Woudrichem mündet di alti Maas vo linggs id Waal, wo drufabe en nöje Name überchunt: si heisst jetz Oberi Merwede (Boven Merwede). Im Delta verzwygt sech die Oberi Merwede gly drufabe i die Underi Merwede und die Nöji Merwede. Die Underi Merwede goot uf Rotterdam.

Es het acht Brugge über d Waal vo Nimwegen bis Zaltbommel.

• 
  d Waalbrugg bi Nimwegen
• 
  d Waal bi Ochte
• 
  drü Brugge:
  Dr.-W.-Hupkes-Brugg,
  Bommelsbrugg,
  Martinus-Nijhoff-Brugg

Di holländischi Saag vo der Waal

Me verzellt sech, ass d Waal vo me Riis gmacht worden isch. Vor langer langer Zyt händ zwee Riise i dr Schwiiz agfange dr Rhy usgrabe. Hundert Joor spööter sind’s uf Lobith choo, und dört het’s Striit ggä zwüsche de beede. Drum het jede wyter abe en eigete Fluss usgrabe, dr jünger vo beede her dr Under Rhy gmacht und dr elter d Waal.

Weblink

 Commons: Waal – Sammlig vo Multimediadateie

• d Waal uf rijkswaterstaat.nl