Villigen
Wappe vo Villigen
Wappe vo Villigen
Basisdate
Staat:Schwiiz
Kanton:Aargau (AG)
Bezirk:Bruggw
BFS-Nr.:4121i1f3f4
Poschtleitzahl:5234 Villigen
5233 Stilli
Koordinate:658591 / 264560
Höchi:367 m ü. M.
Flächi:11,21 km²
Iiwohner:2179 (31. Dezämber 2022)[1]
Website:www.villigen.ch
Charte
Charte vo Villigen
Charte vo Villigen
ww

Villige (amtlich Villigen) isch en Iiwohnergmeind im Bezirk Brugg im Schwiizer Kanton Aargau. S Dorf ligt am Fuess vom Geissbärg. De Ortsteil Stilli ligt an de Aare.

Geographii

De Gmeindsbann het e Flächi vo 1121 Hektare, dodervo sind 550 Hektare Wald und 151 Hektare überbaut. Di höchschti Stell isch uf 700 Meter, di tüfschti uf 325 Meter a de Aare.

Gschicht

Hüüser z Villige

S erschti Mol taucht Villige wege de Erwähnig vom Heinricus de Viligen in ere Urkund uf, wo us em Johr 1247 isch. Im Mittelalter isch s Dorf en Teil vom Dinghof Rei gsi u het zum Chloschter Murbach im Elsass ghört. Landesherre sind d Habsburger gsi. De Dinghof het verschidnigi Rächt i de nöchere Umgebig gha un isch im 1291i a d Habsburger verkauft worde. D Agnes von Ungarn het dann im 1345i de Bsitz em Chloschter Wittiche im Schwarzwald gschenkt. Im 1458i het me d Weide vo Stilli us Villige useglöst und die Gränze sind bis zum End vom Johr 2005 d Gmeindsgränze zwüsche Villige und Stilli blibe. Im Johr 1460 hei d Bärner Villige eroberet, wobi d Rächt vom Chloschter Wittiche witerhin Bstand hei gha. Villige isch en Teil vom Grichtsbezirk Böze vom Amt Schänkebärg worde und ab em 1566, wo Bärn s Gricht vo Bözbärg teilt het, sind d Verhandlige z Stilli gsi. D Reformation isch, wi überall z Bärn, im 1528i iigführt worde. S Chloschter het dann im 1544 sini Rächt an Villige an d Hallwyler verchauft, wo si schpöter an d Stadt Brugg und d Bärner verchauft hei.

Im März 1798 sin d Franzose in d Schwiiz iimarschiirt und hei di Helvetisch Republik usgruefe. Villige ghört sither zum Kanton Aargau.

 Commons: Villige – Sammlig vo Multimediadateie

Fuessnote

  1. ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.