Wirbeldier

Griechischi Landschildchrott (Testudo hermanni)

Systematik
Underrych:Vilzelligi Dier (Metazoa)
Abdeilig:Gwäbdier (Eumetazoa)
Underabteilig:Bilateria
Überstamm:Neumüüler (Deuterostomia)
Stamm:Chordadier (Chordata)
Unterstamm:Wirbeldier
Wüsseschaftlige Name
Vertebrata
de Cuvier, 1812
Großer Tümmler (Tursiops truncatus)
Silbermöwe (Larus argentatus)
Europäische Laubfrosch (Hyla arborea)

D Wirbeldier (Vertebrata), hüfig Schädeldier (Craniota oder Craniata) gnennt, bilde en Understamm vo de Chorddier (Chordata) und umfasse Schliimaal, Nüünauge, Chnorpel- und Chnochefisch, d Amphibie, d Reptilie, d Vögel und d Süüger mit zsämme fast 58.000 Arte. Das si noch Schetzige öbbe ei Brozänt vo alle Arte, wo je existiert hai. Wältwit si bis jetzt mehreri zähduusig fossili Arte entdeckt worde.[1]

Dr Begriff „Vertebrata“ cha – je noch Quelle und taxonomischer Bedrachtig – au änger oder wiiter verstande wärde. Im erste Fall wärde d Schliimaal us dr Gruppe usgschlosse (as Vertebrata sensu stricto), im zweite Fall, wo hüte as veraltet gältet, wärde au die Schädellose iibezoge. Ufgrund vo dr hoche Verbreitig und wägem Bekanntheitsgrad wird do für s Taxon „Chiiferloosi und Chiifermüüler“ dr Name „Wirbeldier“ (Vertebrata) anstatt vom semantisch korräkte „Schädeldier“ bruucht.

Sit 2005 gältet dr Fisch Paedocypris progenetica mit ere Lengi vo 7,9 mm bim Wiibli und 10 mm bim Männli as s chliinste läbende Wirbeldier. S grösste Wirbeldier isch dr Blauwal mit ere Lengi vo bis zu 33 Meter und 200 Donne Gwicht.

Systematik

Kopf des Flussneunauges (Lampetra fluviatilis)
Regenbogenforelle (Oncorhynchus mykiss)
Braunbär (Ursus arctos) mit Beute
  • Wirbeldier (Vertebrata) (57.850 Arte)
    • Schliimaal (Myxini) (74 Arte)
    • Nüünauge (Petromyzontida) (42 Arte)
    • Pteraspidomorphi †
    • Anaspida †
    • Galeaspida †
    • Osteostraci †
    • Thelodonti †
    • Kiefermäuler (Gnathostomata) (57.750 Arte)

Öb e wiiteri Gruppe, die usgstorbene Conodonta au zu de Wirbeldier ghöre, isch grad so umstritte wie öb d Schliimaal drzue ghöre.

Schliimaal und Nüünauge si früehner as Rundmüüler zsämmegefasst worde, die usgstorbene, oft stark banzerete, chiiferlose Taxa as Ostracodermi. Beidi Gruppe zsämme hai d Überklass vo de Chiiferlose (Agnatha) bildet. Die Chiiferlose und ihri beide Undergruppe si aber kei monophyletischi Taxa und wärden dorum in ere modärne Systematik nüme bruucht.

Litratur

  • W. Westheide, R. Rieger: Spezielle Zoologie. Teil 2: Wirbel- oder Schädeltiere. Spektrum Akademischer Verlag, 2003, ISBN 3-8274-0900-4.
  • G. Mickoleit: Phylogenetische Systematik der Wirbeltiere. Verlag Dr. Friedrich Pfeil, 2004.
  • Joseph S. Nelson: Fishes of the World. John Wiley & Sons, 2006, ISBN 0-471-25031-7.

Weblingg

 Commons: Vertebrata – Sammlig vo Multimediadateie

Fuessnote

  1. ↑ Wilfried Westheide, Reinhard Rieger: Spezielle Zoologie Teil 2: Wirbel- oder Schädeltiere, 1. Auflage. Spektrum Akademischer Verlag, Heidelberg, Berlin, 2004
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.