Dialäkt: Baseldütsch

Dr Urs Blindenbacher (* 22. April 1953) us em baaselbietische Oberwil BL isch e Schwizer Veraastalter vo Dschääskonzärt.

Dr Blindenbacher schafft im Hauptbruef as Leerer für Dütsch und Gschicht am Gümnasium z Liestel. Nääbebi isch er au Theaterpedagoog und veraastaltet Konzärt. Er het im domoolige "Jazz-Workshop am Totentanz" e baar Konzärt organisiert und denn "Jazz in Basel" gründet. 1990 isch dr Veräin "Jazz by Off Beat" gründet worde, wo jede Früelig s internazionale Dschääsfestival Baasel organisiert het, und sit em Aafang vo de 2000er Joor mit dr Dschäässchuel Baasel zämmeschafft.[1] D Stifdig Jazzfestival Basel het 2012 dr Verdraag vom Blindenbacher as künstlerischem Läiter nit ernöijeret, und dä het d Offbeat Concert GmbH gründet, wo denn s Basler Dschääsfestiwal 2013 organisiert het.[2][3]

Uszäichnige

Für sis Angaaschemang für e Dschääs het dr Blindenbacher 2007 dr Kulturbriis vo dr Stadt Baasel überchoo.

Weblingg

Fuessnoote

  1. ↑ Mediemiddäilig vom Baasler Regierigsroot vom 11. Septämber 2007, abgrüeft am 5. Januar 2014
  2. ↑ Schweiz am Sonntag (Site cha nüme abgrüeft wärde; Suche im Webarchiv) , Usgoob vom 21.10.2012, abgrüeft am 5. Januar 2014
  3. ↑ Radio Swiss Jazz: Interwiuu vo dr Dorothea Gängel mit em Urs Blindenbacher, abgrüeft am 5. Januar 2014
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.