Sit 2011 git s d UCI World Tour, die jöhrligi Rennserii vo dr UCI, wo d Klassemänt von ere s UCI World Ranking vo 2009 und 2010 ablöse. D UCI World Tour umfasst näbe de 16 ehemolige ProTour-Renne no 10 zuesätzligi wie z. B. d Tour de France, dr Giro d’Italia oder d Vuelta a España, wo in früehnere Johr dur en eigeni Kategorii (HIS – Historischi Renne) kennzeichnet worde si.^[1]

Mitmache bi dr Rennserii düen 18 ProTeams, wo bsunders lizenziert si. Usserdäm chönne die Professional Continental Team vom jewiilige Veraastalter vom ene Renne iiglade wärde. Bi einzelne Renne wie dr Tour Down Under oder dr Pole-Rundfahrt daf au e Nationalteam vom Gastgäberland mitmache.^[2]

Mannschafte

Am 22. Novämber 2010^[3] bzw. am 10. Dezämber 2010^[4] het d UCI bekannt gee, weli Mannschafte e Lizänz as UCI ProTeam bzw. Professional Continental Team überchömme.

D Renne und d Punggtverdeilig

Zu de 26 Renne vom UCI World Ranking vo 2010 isch 2011 no d Tour of Beijing drzue choo. D Renne si in Etapperenne und Eidagrenne iideilt. Bi de Etapperenne git s Pünggt für Platzierige in de däglige Etappeklassemänt und im Gsamtklassemänt am Ändi vom Renne. Mä het fümf Grubbe vo Renne gmacht. Die ersti Grubbe bildet d Tour de France, in dr zweite Grubbe si d Giro d’Italia und d Vuelta a España und in dr dritte alli chliinere Etapperenne. In dr vierte Grubbe het s d Monumänt undr de Eidagrenne und in dr fümfte alli andere.

Bi dr Punggtverdeilig zelt nume d Platzierig im Gsamtklassemänt, anderi Klassemänt, won e Hufe Renne hai, wie s Sprint- oder s Bärgklassemänt, zelle nit.

Renne		Pünggt für s World Ranking[5]
		Gwünner	Zweite	Dritte	dr letzt Platz wo s no Pünggt git derfür
Flagge von France Tour de France	Gsamtklassemänt Jedi Etappe	200 20	150 10	120 6	20. (4 Pünggt) 5. (2 Pünggt)
Flagge von Italy Giro d’Italia Flagge von Spain Vuelta a España	Gsamtklassemänt Jedi Etappe	170 16	130 8	100 4	20. (2 Pünggt) 5. (1 Punggt)
Flagge von Australia Tour Down Under Flagge von France Paris–Nizza Flagge von Italy Tirreno–Adriatico Flagge von Spain Baskenland-Rundfahrt Flagge von Switzerland Tour de Romandie Flagge von Spain Katalonien-Rundfahrt Flagge von France Critérium du Dauphiné Flagge von Switzerland Tour de Suisse Flagge von Poland Polen-Rundfahrt Flagge von BelgiumFlagge von NetherlandsEneco Tour Flagge der Volksrepublik ChinaTour of Beijing[6]	Gsamtklassemänt Jedi Etappe	100 6	80 4	70 2	10. (4 Pünggt) 5. (1 Punggt)
Flagge von Italy Mailand–Sanremo Flagge von Belgium Flandern-Rundfahrt Flagge von France Paris–Roubaix Flagge von Belgium Liège–Bastogne–Liège Flagge von Italy Giro di Lombardia		100	80	70	10. (4 Pünggt)
Flagge von Belgium Gent–Wevelgem Flagge von Netherlands Amstel Gold Race Flagge von Belgium La Flèche Wallonne Flagge von Spain Clásica de San Sebastián Flagge von Germany Vattenfall Cyclassics Flagge von Canada Grand Prix Cycliste de Québec[7] Flagge von Canada Grand Prix Cycliste de Montréal[7] Flagge von France GP Ouest-France		80	60	50	10. (2 Pünggt)

Wenn e Nationalmannschaft, wo nit bi der UCI iigschriiben isch, bim ene Renne mitmacht, bechömme siini Mitgliider keini Pünggt.

Fuessnote

1. ↑ UCI-Presserklärig zur Vereinigung vo dr ProTour mit em historische Kaländer vom 1. Oktober 2010
2. ↑ UCI-Reglement für den Straßenradsport, dort: 2.1.005 International races and participation Archivlink (Memento vom 23. Juni 2011 im Internet Archive), abgrüeft am 11. April 2011
3. ↑ UCI Presseerklärung vom 22. November 2010: Registration of UCI ProTeams for the 2011 season
4. ↑ UCI Presseerklärung vom 20. Dezember 2010: Registration of UCI ProTeams and UCI Professional Continental Teams for the 2011 Season (Site cha nüme abgrüeft wärde; Suche im Webarchiv) Vorlage:Toter Link/www.uci.ch
5. ↑ UCI Rankings points scale
6. ↑ D Tour of Beijing muess no ihri Lizänz übercho
7. 1 2 D Grands Prix z Quebec and Montreal si bi der 2009 Serii nonig derbii gsi