| Tschappina | |
|---|---|
 Wappe vo Tschappina | |
| Basisdate | |
| Staat: | Schwiiz |
| Kanton: | Graubünde (GR) |
| Region: | Viamala |
| BFS-Nr.: | 3669 |
| Poschtleitzahl: | 7428 |
| Koordinate: | 748765 / 172078 |
| Höchi: | 1'500 m ü. M. |
| Flächi: | 24.67 km² |
| Iiwohner: | 142 (31. Dezämber 2022)[1] |
| Website: | www.tschappina.ch |
 Tschappina Tschappina | |
| Charte | |
 Charte vo Tschappina | |
Tschappina isch e politeschi Gmaind i dr Region Viamala vom Kanton Graubünde.
Geografy
D Gmeind Tschappina lyt ufem Bärg näben em Hinderrhytaal oben a Thusis und Flerde. Das isch dr südlech Rand vom Häinzebärg. Usser de beide Wyler Obertschappina und Undertschappina ghöre d Frakzioone Obergmeind, Usserglaas und Innerglaas und au no die chlyni Hüüsergruppe vo Masügg oben am Nollatobel zum Dorf.
S Gmeindbiet goot im Norde bis ufe Lüschgraat, im Weschte über de Glaaser Graat und de Glaaspass is Taal vom Carnusabach im Safietaal abe und bis en halbe Kilometer a s Walserdorf Safie Platz ane, und im Süde über s Tobel vo dr Schwarze Nolla und dr Wysse Nolla zum Piz Beverin ufe. Der südlechscht Punkt vo dr Gmeind isch am Carnusapass, em alte Fuesswääg vo Tschappina und Safie is Schams und uf Andeer.
Wappe
S Wappebild vo Tschappina het uf em roote Hindergrund en gääle Stägegibel, schynts als Symbol für d Bärgpäss, und drüber e gääli Glogge, wo s Symbol vom heilige Joder isch. Im 15. Joorhundert het Tschappina e Chappele mid em Sankt Joder-Patrozinium gha.
Gschicht
Im 14. Joorhundert sind Walser ufe Häinzebärg cho. Sid denn isch Tschappina dütschsproochig.
Lüüt
- Reto Hänny (* 1947), Schriftsteller
- Luzi Jenny (1925–2015), Mundartschriftsteller
Weblink
- Website vo dr Gmaind Tschappina
- Jürg Simonett: Tschappina. In: Historisches Lexikon vo dr Schwiiz.
Fuessnoote
- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023