| Trueb | |
|---|---|
 Wappe vo Trueb | |
| Basisdate | |
| Staat: | Schwiiz |
| Kanton: | Bärn (BE) |
| Verwautigschreis: | Ämmetal |
| BFS-Nr.: | 0908 |
| Poschtleitzahl: | 3556 |
| Koordinate: | 633864 / 198121 |
| Höchi: | 790 m ü. M. |
| Flächi: | 62.0 km² |
| Iiwohner: | 1322 (31. Dezämber 2022)[1] |
| Website: | www.trub.ch |
 Trueb Trueb | |
| Charte | |
 Charte vo Trueb | |
Trueb (amtlech Trub) isch e politischi Gmeind im Verwaltigskreis Ämmetal vom Kanton Bärn in dr Schwyz.
D Geografii
Trueb lit im obere Ämmetal, im Napfbärgland. Es isch e Streusiedligsgebiet und landwirtschaftlich prägt. Flächemässig ghört s mit 6201 Hektare zu de grösste Gmeinde im Kanton Bärn. Öbbe 50 % vo dr Gmeindiflächi isch bewaldet. Dr höchsti Punkt lit uf em Napf bi 1408 m.ü.M. Zur Gmeind Trueb ghört dr Wiiler Fankhuus (Postleitzahl: 3557).
Gschicht
Trueb isch zum erschte Mal gnennt worde im Jahr 1139 als Truoba, um 1256 Trouba. Historischi Bedütig het Trueb vor allem wägen em Chloster Trueb, eme ehemalige Benediktinerchloster, wo im Reformationsjahr 1528 ufglöst worde isch.
Bis zum 31. Dezämber 2009 het d Gmeind zum Bezirk Signou ghört.
D Ywohner
Im Jahr 1900 het Trueb no 2606 Ywohner gha. Sitdem het s immer meh Iiwooner verlore. Trueb isch e klassischs Uswanderigstal. Das cha me dra gseh, dass öbbe 50’000 Lüt do ihre Bürgerort hai. Nach Langnau isch Trueb die zweitgrössti Bürgergmeind im Kanton Bärn.
| Jahr | 1850 | 1880 | 1888 | 1900 | 1910 | 1920 | 1930 | 1941 | 1950 | 1960 | 1970 | 1980 | 1990 | 2000 | 2010 |
|---|---|---|---|---|---|---|---|---|---|---|---|---|---|---|---|
| Ywohner | 2536 | 2486 | 2567 | 2606 | 2615 | 2485 | 2210 | 2173 | 2149 | 1981 | 1833 | 1607 | 1613 | 1506 | 1396 |
Quälle: Bundesamt für Statistik 2005[2]
Dr Uusländeraateil isch 2010 bi 1,8 % gläge.[3]
Religion
89,8 % vo de Ywohner si evangelisch-reformiert, 2,9 % si römisch-katholisch (Stand 2000).
Politik
Bi de Nationalraatswahle 2011 het s das Ergebnis ggää:[3] BDP 16,7 %, CVP 0,5 %, EVP 1,5 %, FDP 1,7 %. GLP 1,0 %, GP 7,5 %, SP 5,1 %, SVP 62,8 %, Suschtigi 3,2 %.
Gmeindspresidäntin vo Trueb isch d Christine Reber (Stang 2013).
Wirtschaft
D Arbetslosigkeit isch im Jahr 2011 bi 0,8 % gläge.[3]
Sprach u Dialäkt
Bir Volkszellig 2000 hei vo de 1506 Ywohner 99,5 % Dütsch als Houptsprach aaggää u 0,1 % Französisch.[3]
Dr Dialäkt vo Trueb ghört zum Hochalemannisch.
Partnergmeind
Sit 1994 het Trueb e Gemeindspartnerschaft mit Novosedly nad Nežárkou z Tschechie.
Sonstigs
- Gottfried Strasser (Dichter vom Lied vom Trueberbueb)
- Shakra (Eini vo de bekannteste Schwizer Hardrock-Bands, isch z Trueb dehei)
- Die Herbstzeitlosen (e Schwizer Film, wo z Trueb dreit worde isch)
Persönlichkeite
- Gottfried Fankhauser (1870-1962), Schriftsteller und Sunntagsschuelpädagog
- Benedikt von Tscharner (* 1937 z Trub), Diplomat und Publizist
- Kurt Wüthrich (Bürgerort Trueb), Chemiker (Nobelpriis für Chemii 2002)
Bilder
Trueb
Landgasthof "Löwen"
Täuferhof, Fankhuus
Buurehuus z Trueb
Blick uf Trueb und ins Napfgebiet
Weblink
- Offizielli Website vo de Gmeind Trueb
- Anne-Marie Dubler: Trub (Gemeinde). In: Historisches Lexikon vo dr Schwiiz.
Fuessnoote
- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )
- 1 2 3 4 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv) , Mai 2012