| Toskana | |
|---|---|
 |
 |
| Basisdate | |
| Hauptstadt: | Florenz |
| Provinze: | 10 |
| Flechi: | 22.990,18 km² (5.) |
| Iiwohner: | 3.761.616 (31. Dezember 2022) |
| Bevölkerigsdichti: | 164 Iiwohner/km² |
| Website: | www.regione.toscana.it |
| ISO 3166-2: | IT-52 |
| Presidänt: | Enrico Rossi (PD) |
| Charte | |
 | |
D Toskana, früener Tuszie, Tuscie, Tuskie, italienisch Toscana, isch e Regioon in Middelitalie. Si gränzt im Norde an Ligurie und d Emilia-Romagna, im Oste an Marke und an Umbrie und im Süde an Latium. D Toskana gältet as historischi Landschaft und bedütendi Kultuurlandschaft.
Iiri Bezäichnig läitet sich vom Volk vo de Etrusker häär, wo in dr Antike doo aasässig gsi si.
Geografii
D Toskana het e Flechi vo öbbe 22'990 km² und 3.663.191 Iiwohner (Stand 31. Dezember 2022). D Hauptstadt isch Floränz im Norde vo dr Regioon. Anderi wichdigi Stedt si Arezzo, Pisa, Siena, Grosseto, Livorno, Prato und Lucca. Dr Hauptfluss isch dr Arno.
D Toskana isch bekannt für iiri hügeligi Landschaft, won e Hufe Pinie, Ziprässe, Oliveböim und Rääbe waggse. Dr höggst Bärg isch dr Monte Prado (2054 m). D Toskana het Waldgebiet mit ere Flechi vo ere Million Hektaare. Im Süde finde d Natuurliebhaaber e groosses Natuurschutzgebiet, dr Parco dell’Uccellina, wo s en ussergwöönlig sälteni Flora und Fauna het.
Dr Toskanischi Archipel umfasst näbe Elba, dr drittgröösste Insle vo Italie, under anderem au die chliinere Insle Giglio, Capraia, Pianosa, Montecristo, Giannutri und Gorgona.
Gschicht
- Im Altertum Tuscien oder Etrurien
- Im Mittelalter e Räie vo Stadtstaate, wo noodinoo unter dr Herrschaft vo Floränz groote sin
- ab 1531 es Herzogtum und ab 1569 es Groossherzogtum unter de Medici
- ab 1737 es Groossherzogtum unter de Habsburger
- 1859 Aaschluss ans Königriich Sardinie (Piemont) und doodrmit ans nöi Königriich Italie
Galerii
Dr Dom vo Siena
Dr schiefi Durm vo Pisa
Dr Dom vo Floränz
Dr Palazzo dei Priori z Volterra
D Altstadt vo Montalcino
D Altstadt Massa Marittima, Blick vo dr Burg uf d Stadt
D Altstadt vo Castiglione della Pescaia (Maremma)
Portoferraio uf dr Insle Elba
Dr Arno z Floränz
Monte Argentario
Litratuur
- Didier Boisseuil: Le thermalisme en Toscane à la fin du Moyen Age – les bains siennois de la fin du XIIIe siècle au début du XVIe siècle. École Française de Rome [u. a.], Rome 2002.
- Jean Boutier: Florence et la Toscane – XIVe – XIXe siècles; les dynamiques d’un État italien. Presses Univ. de Rennes, Rennes 2004.
- Robert Davidsohn: Geschichte von Florenz. 4 Bde., Berlin 1896 ff. (deutschsprachiges Standardwerk, wenn auch veraltet).
- Gloria Fossi: Florenz – blühende Metropole der Toskana. Ein Begleiter durch Geschichte, Kunst und Kultur. Callwey, München 1987.
- John M. Najemy: A History of Florence 1200–1575. Blackwell 2006, Wiley 2008.
- Cinzio Violante: Economia, società, istituzioni a Pisa nel Medioevo. Dedalo, Bari 1980.
- Ulrich Wyrwa: Juden in der Toskana und in Preußen im Vergleich. Aufklärung und Emanzipation in Florenz, Livorno, Berlin und Königsberg in Preußen. Mohr Siebeck, Tübingen 2003.
Weblingg
Koordinate: 43° 21′ N, 11° 1′ O