Thomas Voeckler Straßenradsport
Thomas Voeckler
Thomas Voeckler
Personedate
Geburtsdatum 22. Juni 1979
Nation FrankreichFrankreich Frankriich
Disziplin Strooß
Team
Aktuells Team Team Europcar
Funktion Fahrer
Internationali Team
2000–2002
2003–2004
2005–2008
2009–2010
2011–2015
2016		 Bonjour
Brioches La Boulangère
Bouygues Télécom
Bbox Bouygues Télécom
Team Europcar
Direct Énergie
Wichtigsti Erfolg

Tour de France:
S Bargklassemänt 2012
1 Etappe 2009
ei Etappe 2010
zwei Etappe 2012
Paris–Nizza:
2 Etappe (2011)

Infobox zletzt aktualisiert: 25. Juli 2017

Dr Thomas Voeckler (* 22. Juni 1979 z Schíllige, Elsass) isch en ehmolige franzesische Radrännfahrer. Är het as Spezialischt fir Uusryssversuech un e offensivi Fahrwyys gulkte. Hite fahrt er fir s Team Europcar.

Karriere

Di erschte Läbesjohr isch dr Voeckler z Herzum ufgwagse as Suhn vun eme Psychiater un ere Anästhesistin. Drotz ass syy Eltere Elsässer sin, het är kai Elsässisch glehrt. Wun er sibe gsii isch, isch syy Familie uf Martinique uusgwanderet. Är sälber isch mit 17 Johr ellei uf Frankrych zruckgchehrt. Syy Vater, e passionierte Hobby-Sägler, giltet syt em Oktober 1992 noch ere Sägelfahrt as verscholle. Är het em Thomas Voeckler zum 13. Geburtsdag s erscht Fahrrad gschänkt.

Dr Thomas Voeckler het syy Profidebüt anne 2000 gee bim franzesische Bonjour-Team, wun er bis 2002 derfir gfahren isch. Derno het er Verdrag bim Noofolger-Team Brioches La Boulangère iberchuu. anne 2003 het er s erscht Mol bi dr Tour de France mitgmacht un isch dert uf dr 117. Blatz in dr Gsamtwärtig chuu. 2004 isch dr Voeckler z Pont-de-Fousse (Département Hautes-Alpes) Franzesische Maischter im Stroßeränne wore.

Bi dr negschte Tour de France anne 2004 het dr Voeckler in dr 5. Etappe vu Amiens uf Chartres s Geel Lybli vum Gsamtfierende ibernuu. In ere fimfchepfige Uusryssergruppe isch s em Voeckler glunge, em bis dert fierende Lance Armstrong 12 Minute 33 Sekunde abznee. Noo dr 15. Etappe het er s Geel Lybli wider an dr Lance Armstrong mieße abgee, het aber s Wyss Lybli vum beschte Jungprofi bhalte, des aber nume bis zue dr vorletschte Etappe, em Ainzelzytfahre bi Besançon. Dert het er s an dr Russ Wladimir Karpets verlore. Ainewäg hän e d Franzose as Nationalheld gfyyrt un hän dur syy Kampfgaischt e neie Liebling gfunde.

Bi dr Tour de France 2005 het dr Voeckler fir ai Dag s Gepunkte Lybli vum beschte Bärgfahrer drait, bi dr Tour de France 2008 het er des sogar fimf Däg lang drait. E Etappesiig bi dr Tour de France het dr Voeckler schließlig anne 2009 chenne fyyre: Uf dr fimfte Etappe vu Cap d'Agde uf Perpignan isch as Solischt sibe Sekunde vor em Hauptfäld in s Ziil chuu.

Bi dr Tour de France 2010 het dr Thomas Voeckler, wu in däm Johr au Franzesische Maischter im Stroßeränne woren isch, d 15. Etappe vu Pamiers uf Bagnères-de-Luchon gwunne. In dr hoche franzesische Pyrenäe het er sich am Port de Balè] (Hors Catégorie) us ere Spitzegruppe glest un het as Solischt mit sicherem Vorsprung gwunne.

Bi dr Tour de France 2011 het dr Voeckler uf dr 9. Etappe vu Issoire uf Saint-Flour s Geel Lybli ibernuu, ai Johr speter het er s Bärgklassemänt gwunne.

No dr Tour de France 2017 het er ufghert mit em Profiradpsort.

Erfolg

2003

  • Gsamtwertung Luxemburg-Rundfahrt

2004

  • Franzesische Maischter - Stroßenränne

2006

2007

2008

  • Gsamtwärtig Circuit de la Sarthe
  • Grand Prix de Plumelec-Morbihan
2009
  • Gsamtwärtig Étoile de Bessèges
  • Gsamtwärtig un ai Etappe Tour du Haut-Var
  • Trophée des Grimpeurs
  • 5. Etappe bi dr Tour de France
2010
2011
  • ai Etappe Tour Méditéranéen
  • Gsamtwärtig Tour du Haut-Var
  • zwoo Etappe Paris–Nizza
  • Grand Prix Cholet-Pays de la Loire
  • ai Etappe Giro del Trentino
  • ai Etappe un Gsamtwärtig Vier Däg vu Dünkirchen
2012
  • Brabantse Pijl
  • ai Etappe La Tropicale Amissa Bongo
  • S Bärgklassemänt und zwei Etappe bi dr Tour de France 2012
2013
  • ai Etappe Critérium du Dauphiné
  • Gsamtwärtig un ai tappe Route du Sud
  • Gsamtwärtig un ai Etappe Tour du Poitou Charentes
2016
  • Gsamtwärtig un ai Etappe Tour La Provence
  • Gsamtwärtig un ai Etappe Tour de Yorkshire

Team

Dr Thomas Voeckler het sy ganz Profizyt bim glyche Radpsportteam verbrocht, wu aber im Lauf vu dr Johr mit dr Hauptsponsore au ne baar Mol dr Name gwächselt het:

  • 2000–2002 Bonjour
  • 2003–2004 Brioches La Boulangère
  • 2005–2008 Bouygues Télécom
  • 2009–2010 Bbox Bouygues Télécom
  • 2011-2015 Team Europcar
  • 2016-2017 Direct Énergie (Radsportteam)Direct Énergie
Dä Artikel basiert uff ere fräie Übersetzig vum Artikel „Thomas_Voeckler“ vu de dütsche Wikipedia. E Liste vu de Autore un Versione isch do z finde.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.