Verdäilig vo muslimische Volksgrubbe:
Grüen: sunnitischi Gebiet;
Rosa: schiitischi Gebiet;
Schwarz: Ibadite (Oman)

Islamischi Konfessioone und Rächtsschuele

D sunnitisch Islam^[1][2] isch die grössti Glaubensrichdig im Islam und stammt vom Kalifat wo dr Abu Bakr gründet het. Sini Aahänger wärde as ahl as-sunna (أهل السنة‎, ‚Volk vo dr Dradizioon‘) bezäichnet. D Bezäichnig Sunnite chunnt vom Wort Sunna (سنة‎, ‚die Tradition des Propheten des Islam, Mohammed‘). Sie stellen einen Zweig des Islams dar,

D Sunnite si in de mäiste islamische Länder d Meerhäit vo de Muslim, mit Usnaam vom Iran, Irak, Oman, Libanon, Aserbaidschan und Bahrain. In Bahrain si öbbe 75 Brozänt vo dr Bevölkerig schiitisch, aber s politische Lääbe wird sit em 18. Joorhundert von e baar sunnitische Familie beherrscht.^[3]

D Sunnite cha mä noch iire Rächtsschuele (Madhhab) in Hanafite, Malikite, Hanbalite und Schafiite iidäile.

D Underschiid zur zwäitgrösste Glaubensrichdig, wo d Aahänger von ere as Schiite bezäichnet wärde, si am Aafang nit theologisch gsi, sondern vo dr Froog cho, wär d Gmäinschaft vo de Muslim söll läite. Bi de Sunnite het sich s Kalifat bildet, bi de Schiite s Imamat.

Im Lauf vo dr Zit si no mee Underschiid entstande, bsundrigs zu de schiitische Imamite, weniger su de schiitische Zaidite.

Historischi sunnitischi Staate

• Umayyade
  • s Kalifat vo de Umayyade (661–759)
  • s Emiraat vo Cordoba (756–929)
  • s Kalifat vo Cordoba (929–1031)
• Abbasiide
  • s Kalifat vo de Abbaside (750–1258/1517)
• Ayyubiide
  • s Kalifat vo de Ayyubiide (1171–1252)
• Osmane
  • s Kalifat vo de Osmane (1517–1924)

Fuessnoote

1. ↑ Brockhaus vo 1809
2. ↑ Pierer von 1859
3. ↑ Vgl. Pierre-Jean Luizard: Histoire politique du clergé chiite, xviii^e-xxi^e siècle. Fayard, Paris, 2014. S. 256.

Dä Artikel basiert uff ere fräie Übersetzig vum Artikel „Sunniten“ vu de dütsche Wikipedia. E Liste vu de Autore un Versione isch do z finde.