Mit Studia humanitatis oder Studia humaniora wird d Gsamtheit vo de humanischdische Schtudie bezeichnet, wo drzu füehrt, ass mä ä ganzheitligi Bildig im Sinn vo dr Humanität oder Menschlichkeit bechunnt. Die Bezeichnig wird allgemein uf ä Cicero und si Begriff vo der Humanitas zruggfüehrt, won er in siiner Schrift Über d Gsetz iigefüehrt het.
D Studia humanitatis si uf der alte antike und mittelalterlige Fächeriideilig basiert gsi, und hai us em Trivium und em Quadrivium beschdande, wo as septem artes liberales oder die siebe freie Künschd zsämmegfasst worde si.
D Studia humanitatis si ä zentrale Begriff vom Bildigswäse gsi, wo mä sich im Renaissance-Humanismus schdärker an der griechische und römische Antike het afo orientiere, vor allem s Lehre und d Pfläg vo der griechische und latiinische Sbrooch. Unter de Humaniste het s schon ä usprägtei Philologii ge.
D Humanischte hai ä glehrte Unterricht (eruditio) agschdräbt mit Wüsse, Verschdändnis und Erfahrig (prudentia). Die klassische Merkmol vo der Glehrsamkeit si ihr Leitbild gsi und s Ziil vo alle Studia humanitatis, zu wele d Rhetorik, d Eloquenz, d Moralphilosophii und d Gschicht ghört hai. D Artes mechanicae hingäge hai bi ihne keis hochs Asehe gha. D Humanischde het s im allgemeine au nit gluschdet die z lehre.
 |
Dä Artikel basiert uff ere fräie Übersetzig vum Artikel „Studia_humanitatis“ vu de dütsche Wikipedia. E Liste vu de Autore un Versione isch do z finde. |