Wappe Ditschlandkart
Wappe vo de Gmai St. Peder
St. Peter (Hochschwarzwald)
Deutschlandkarte, Position vo de Gmai St. Peder hervorghobe
Koordinate: 48° 1′ N, 8° 2′ O
Basisdate
Dialekt:Alemannisch
Hauptvariante:Nideralemannisch
Regionalvariante:Oberrhialemannisch
Lokalvariante:Schwarzwald
Bundesland:Bade-Wirttebärg
Regierungsbezirk:Friburg
Landkrais: Brisgau-Hochschwarzwald
Heh:716 m i. NHN
Flech:35,9 km²
Iiwohner:

2721 (31. Dez. 2022)[1]

Bevelkerungsdicht: 76 Iiwohner je km²
Boschtlaitzahl: 79271
Vorwahl: 07660
Kfz-Kennzaiche: FR
Gmeischlissel: 08 3 15 095
Adress vun dr
Gmaiverwaltung:		 Klosterhof 12
79271 St. Peter
Webpräsenz: www.st-peter-schwarzwald.de
Burgermaischter: Rudolf Schuler (CDU)
Lag vo de Gmai St. Peder im Landkrais Brisgau-Hochschwarzwald
Karte
Karte
Dialäkt: St. Pedermer Dialekt

St. Peder (amtlig St. Peter) isch e Gmei in Bade-Wirddeberg un ghert zum Landkreis Brisgau-Hochschwarzwald.

Geographi

St. Peder lit am Südend vum middlere Schwarzwald im Naturpark Südschwarzwald un isch e heilklimatische Kurort. St. Peder lit südöschtlich vum Kandel uffem Gebirgszug vum Kandel zum Thurner un isch guet 15 km vu Friburg im Brisgau ewägg.

Gschicht

S Kloschter St. Peder uf em Schwarzwald isch 1093 vum Zähringerherzog Berthold II. als Huskloschter un Begräbnisstätte gründet worre. D Gmei hät sich allmälig um s Kloschter rum entwicklet.

Wo d weltliche Rächt vum Kloschter 1806 im Rahme vu d Säkularisierig ufghobe worre sin, isch St. Peder zum Grossherzogtum Bade kumme, sit 1952 gherts zue Bade-Wirddeberg.

Iwohnerentwicklung

  • 1806: 1.480
  • 1925: 1.378
  • 1950: 1.500
  • 1970: 1.792
  • 1989: 2.207
  • 2005: 2.376
  • 2007: 2.532

Politik

Vegt

  • sit 2008 Rudolf Schuler
  • 1984–2008 Gottfried Rohrer

Wahle

Ergebnis vu d Landdagswahle sit 2006:[2]

JohrCDUSPDFDPGrieniLinki1AfDSuschtigi
201634,4 %8,3 %6,3 %34,8 %3,2 %9,6 %3,4 %
201141,8 %16,6 %4,3 %31,1 %1,9 %4,3 %
200656,4 %12,7 %9,1 %17,4 %1,8 %2,6 %

1 2006: WASG, sit 2011: Die Linke

Gmeipartnerschafte

Usserdem bstehn zue alle Zähringerstädt fründschaftlichi Beziegige.

Wirtschaft un Infrastruktur

D Herstellig vu Schwarzwalduhre isch e wichtige Erwerbszwiig z St. Peder gsi.

Bildig

S Kloschter St. Peder hät vu 1842 bis 2006 s Prieschterseminar vum Erzbischtum Friburg bherbergt.

Ußerdem hät St.Peder ä Grundschul. Selle isch au ä Naturparkschul un hät emol ä Hautschul dabei ka. D Abt-Steyrer-Schule isch noch ihrm Schulgründa bnannt. Der hät domols gwollt, dass alle int Schul gehe künne, nit nur selle wo ä Privatlärer ka hin.

Kultur und Aluegenswürdigkeite

D Kloschterkirch

Bauwerker

  • Kloschter St. Peder uf em Schwarzwald mit d barocke Kloschterkirch vum Peter Thumb (Ustattig vum Franz Joseph Spiegler un em Joseph Anton Feuchtmayer)

Naturdenkmoler

D Kandelheäwäg (Oberkirch (Bade)–Friburg im Brisgau) fihrt dur St. Peder un an viilene Naturschönheite vorbi.

Zähringer Mediathek

Gegeüber vun de "Bäckerei Knöpfle" isch d Zähringer Mediathek. Do kamma e weng Neus über d Zähringer lerne.

Persönlichkeite

  • Benedikt Kreutz (15. Jänner 1879 – 25. Juli 1949), Pfarrer, Präsident vum Dytsche Caritasverband.
  • Leonie Walter (* 17. Jänner 2004), Paralympics-Weltmeischterin im Skifahre
 Commons: St. Peter (Hochschwarzwald) – Sammlig vo Multimediadateie

Fueßnote

  1. ↑ Statistisches Landesamt Baden-Württemberg – Bevölkerung nach Nationalität und Geschlecht am 31. Dezember 2022 (CSV-Datei).
  2. ↑ Statistisches Landesamt Baden-Württemberg: Landtagswahl (Memento vom 7. Juli 2019 im Internet Archive)



This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.