dr Sigmund von Wagner
Dr Franz Sigmund von Wagner (* 12. Novämber 1759 z Erlach; † 11. Septämber 1835 z Bärn) isch e Schwiizer Zeichner und Chupferstächer gsi.
sys Läbe
Dr Wagner isch us ere Bärner Patrizierfamilie cho. I dr Zyt vo 1799 bis 1803 het er z Züri gleert wie me Zeichnige, Chupferstich und Radierige macht. Bsunders bekant isch er für sini Karikatuure.
Ane 1804 het er z Bärn e grossi Uusstellig vo Kunschtwärch und Produkt us dr Induschtry gmacht. Und er isch eine vo de Iniziante vom Unspunnefäscht vo 1805 bi Interlake gsi.
Dr Nachlass vom Künschtler isch i dr Burgerbiblioteek vo Bärn.
Wärch
- Die Schlacht bei Laupen vom 21. Brachmonat 1339, Bärn 1854.
- Novae Deliciae Bernae oder das goldene Zeitalter Berns, in: Neues Berner Taschenbuch auf das Jahr 1916.
Weblink
- Wagner, Franz Sigmund von. In: Sikart (Lexikon un Datebank zue dr Chunscht in dr Schwyz un im Firschtetum Liechtestei).
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.