Dialäkt: Mìlhüüserdiitsch
Offiziäll Porträä vum Shinzō Abe ànna 2020

Dr Shinzō Abe (jàpànisch 安倍 晋三 Abe Shinzō Abe_Shinzo.ogg [abe ɕinzoː]; * 21. Septamber 1954 z’ Shinjuku, Prefäktüür Tokio; † 8. Jüüli 2022 z’ Kashihara, Prefäktüür Nara) ìsch a jàpànischer Politiker gsìì. Ar ìsch vum 26. Dezamber 2012 bis àm 16. Septamber 2020 dr 57. Premierminìschter vum Jàpàn gsìì. Dàs Àmt hàt’r schuu vum 26. Septamber 2006 bis àm 26. Septamber 2007 üüssiawt ghàà. Züadam ìsch’r vu 2006 bis 2007 un nochamol vu 2012 bis 2020 Vorsìtzender vu dr Liberààldemokrààtischa Pàrtäi (LDP) gsìì. Ànna 2014 un 2018 ìsch dr Abe noh dr Zittschrìft Time ainer vu da hundert iiflussriichschta Mänscha ìn dr Walt gsìì.[1][2] Dr Abe-n-ìsch dr Premierminìschter gsìì, wo ìn dr Gschìcht vum Jàpàn àm längschta àmtiart hàt, un sitter’m 24. Àuigscht 2020 dr Premierminìschter mìt dr längschta ununterbroochena-n-Àmtszitt (vor siim Groossunkel Satō Eisaku). Àb 2021 hàt dr Abe siina aigena Fàkzioon ìnnerhàlb vu dr LDP gfiahrt.

Àm 8. Jüüli 2022 ìsch dr Abe vu’ma Mànn nììdergschossa worra, wu-n-’r uff dr Schtrooss z’ Nara ìm Wäschta vum Jàpàn a Reeda hàt düa hàlta.[3] Ar ìsch a pààr Schtunda schpeeter ìm Schpitààl àn da Folga vu siina Verlätzunga gschtoorwa.[4]

Lìteràtüür

  • Takeo Hoshi, Phillip Y. Lipscy (Üüssg.): The Political Economy of the Abe Government and Abenomics Reforms. Cambridge University Press, Cambridge 2021, ISBN 978-1-108-84395-9 (anglisch).

Weblìnks

 Commons: Shinzō Abe – Sammlig vo Multimediadateie
  • Dr Shinzō Abe uff dr Websitta vum jàpànischa Kàbinätt (anglisch)

Ainzelnoohwiisa

  1. ↑ Shinzo Abe - Asia's bold reformer. In: Time. 23. April 2014, abgruefen am 8. Juli 2022 (änglisch).
  2. ↑ Shinzo Abe. In: Time. Abgruefen am 26. August 2018 (amerikanischs Änglisch).
  3. ↑ Euronews, AP, dpa: Attentat in Japan: Ex-Regierungschef Shinzo Abe niedergeschossen. In: Euronews. 8. Juli 2022, abgruefen am 8. Juli 2022.
  4. ↑ Thomas Hahn: Japan: Ex-Premier Shinzo Abe stirbt nach Attentat. In: Süddiitscha Zittung. 8. Juli 2022, abgruefen am 8. Juli 2022.
Dä Artikel basiert uff ere fräie Übersetzig vu dere Version vum Artikel „Shinzō_Abe“ vu de dütsche Wikipedia. E Liste vu de Autore un Versione isch do z finde.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.