De Seerugge isch en Hügelzuug uf de Schwiizrsiite vom Undrsee.
Geografii
De Seerugge volauft vo Weste nach Oste, uf em ganze Gebiet vom ehemolige Bezirk Steckbore und Bezirk Chrüzlinge, flacht vor Romanshorn dänn langsam uus. Uf de Nordsyte fallt er zum Bodesee ab, im Süde häts no anderi chlinneri Hügel, bevors dänn im Tal vo de Thur flach wird. Di höchscht Erhebig vom Seerugge liit ide nöchi vo Sale-Rütene und isch uf 721 m.
Geologii
De Seerugge isch e Moräne, wo d Gletscher i de letste Iiszit bildet händ. Me cha drumm uf em Seerugge do und döt no en Findling gseh, aso en grosse Stei, wo dor d Gletscher us de Alpe do ane transportiert wore sind.
Besidlig
Uf em Seerugge sind e paar Dörfer und Wiiler verstreut. Es hät im Weste vil Wald, im Oste mee landwirtschaftlich gnuzti Flächi.
Quär dur de Seerugge füert d Autobahn A7 vo Müllheim noch Chrüzlinge.
Z Lipperschwil, am Südhang vom Seerugge, isch s Conny-Land, en Freizytpark mit Delfin.
