Schwellbrunn
Wappe vo Schwellbrunn
Wappe vo Schwellbrunn
Basisdate
Staat:Schwiiz
Kanton:Appezell Usserrhode (AR)
Bezirk:(de Kanton kännt sit 1995 ke Bezirk me)w
BFS-Nr.:3004i1f3f4
Poschtleitzahl:9103
Koordinate:736789 / 246113
Höchi:972 m ü. M.
Flächi:17,39 km²
Iiwohner:1561 (31. Dezämber 2022)[1]
Website:www.schwellbrunn.ch
Charte
Charte vo Schwellbrunn
Charte vo Schwellbrunn
www
Dialäkt: Ostschwizerisch

Schwöllbronn isch e politischi Gmeind i da Region Henderland vom Kanton Appezell-Uuserhode i dä Schwiiz.

Geografii

Schwöllbronn liid uffere Ahöchi oberhalb vo Tegersche ond Herisau ond isch e beliebte Usflugsort. Schwöllbronn isch mit 972 m ü.M. die höchstglägnigst Gmeind im Kanton ond büüted ä Uusicht bis as Nordufer vom Bodesee. Nochbergmeende sönd im Uhrzägersinn ommi; Herisau, Waldstatt, Urnäsch, Schönegrond, Neckertal ond Tegersche.

Schwöllbronn hed zwee Skilift mittere Längi vo 340 und 750 Meter. Die beede Lift werded miteme Ponylift verbunde. Wils i de letschde Wenter immer weniger Schnee geh hät, sönd d Lift mängmol nöd glaufe. Bi guete Schneeverhältnis wärded d Pischte aber präpariert ond d Lift wider i Betrieb gno.[2]

Bevölkerig

Quälle: Bundesamt für Statistik 2005[3] 1794 hed Schwöllbronn 2'436 Iiwohner gha und im Johr 1980 nume no 1'142 Iiwohner. Sid em Johr 2000 isch d Zahl vo da Bevölkerig mit knapp 15 Hondert öppa gliich blebe.

Joor18501860187018801888190019101920
Iiwohner22542258215022192028188818721758
Joor19301941195019601970198019902000
Iiwohner15061412151513441212114214381468

Dr Uusländeraatääl isch 2010 bi 6,7 % gläge.

Religion

19,3 % vo de Iiwooner sönd em Joor 2000 römisch-katholisch gsii, 70,2 % evangelisch-reformiert.

Sport

Im Johr 1981 händ a paar Manna us em Turnverein a Fuuschtball-Riiga gründet. Dia Riiga ischt hüt no em Turnverein underschtellt, heisst aber underdessa "Fuuschtball Schwöllbronn". Si händvo 2005 bis 2011 rächt erfolgriich i da Nazionalliiga A gschpillt und sind au a paar mol Schwiizermaischter worda.[4]

Nochdäm i da Halla-Schpiilzyt 2010/11 a paar Stammschpiler wäg ganga send, hät di verjüngti 1. Mannschaft i da Schpiilzyt 2011/12 bim Wettkampf uf em Fäld und i de Halle da Schlussrang beleit und isch i d Nazi B abgschtiga.[5] Noch wiitere Abgäng vo Stammspiler isch Fuuschtball Schwöllbronn am End vo da Fäldsaison 2013 freiwillig i di 2. Liga abgstige. E neuformierti 1. Mannschaft isch i de Hallesaison 2013/14 gstarted und hät d Fäldsaison 2014 uf em 1. Platz abgschlosse.[6]

Politik

De Gmäändspresidänt vo Schwëllbrònn isch de Hansueli Reutegger (Stand November 2017).

Wertschaft

D Arbetslosigkäät isch em Joor 2011 bi 0,7 % gläge.

Sprooch ond Dialekt

Bi de Volkszellig 2000 hend vo de 1468 Iiwoner 97 % Düütsch als Hòuptsprooch aagèè, 0,3 % Franzöösisch, 0,1 % Italienisch ond 2,6 % anderi Sprooche.

De hochalemannisch Dialäkt vo Schwëllbrònn ghöört zue de Oschtschwiizer Dialekt.

 Commons: Schwöllbronn – Sammlig vo Multimediadateie

Fuessnoote

  1. ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
  2. ↑ Websiite vo de Schilift - Zuegriff am 27. Januar 2011
  3. ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )
  4. ↑ Faustball (Memento vom 6. Dezämber 2018 im Internet Archive) uf schwellbrunn.ch under Höhepünkt vo üsem Dorf, Zuegriff am 29. Januar 2011
  5. ↑ NLA: Schwellbrunn steigt in die NLB ab Mäldig uf faustball-schwellbrunn.blogspot.ch vom 23. November 2012
  6. ↑ Schwellbrunn schafft Aufstieg Tagblatt Online, Artikel vom 9. September 2014


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.