D Wahl vom Schwiizer Parlamänt anne 2019 isch s demokratische Verfahre zum s Bundesparlamänt vo dr Schwiiz so wie s d Bundesverfassig wott für d Zyt vo 2019 bis 2023 nöi uufzstelle.
D Wahl isch am 20. Oktober 2019 gsi. Es isch drum ggange, i de Kantöön d Lüüt uuszwähle für in Nationalroot und in Ständeroot vo dr Schwiiz.
wie d Wahl ggangen isch
Me luegt bi sonere Wahl druuf, wie vill Lüüt i de Kantöön wohne, und i däm Verhältnis tuet me die zwöihundert Sitz vom Nazionalroot uf d Kantöön verteile. Im Ständeroot het’s gmäss dr Bundesverfassig zwe Sitz für jede Kantoon usser für es paar chlyni, wo numen eine überchöme (das isch so für Basel-Stadt, Basel-Landschaft, Obwalde, Nidwalde, Appezäll Usserroode und Appezäll Innerroode), im ganze sind s sächsevierzg im Stöckli, wie men em Ständeroot gäärn säit.
Für sone Wahl cha jedi Partäi oder au en anderi politischi Organisazioon e Zylete Lüüt bi de Kantonsverwaltige mälde, und d Kantöön mache drmit d Lischte, wo si de Stimmberächtigte schicke. Me cha d Lischte wo me zämestellt mit dr Boscht dr Verwaltig vo dr politische Gmäind schicke oder am Wuchenändi vo dr Wahl sälber go im ene Wahllokal id Stimmchischte legge.
I allne Kantöön zämezellt sind für d Wahle vo 2019 nid weniger weder 4652 Lüüt uf 511 Lischte als Kandidaaten und Kandidaatinne für in Nazionalroot agmäldet gsi.
D Partäien und gröössere Gruppe, wo bi dr Wahl vo 2019 drby gsi sind:
- SVP
- SP Schwiiz
- FDP-Liberaali
- CVP
- Grüeni
- Grüenliberaali
- BDP
- EVP
- Lega dei Ticinesi
- PdA/SolidaritéS/Ensemble à Gauche
- Mouvement citoyens genevois
- EDU
- Alternatyvi Lischte
- Pyraate
- CSP
- Schwiizer Demokraate
- Integraali Politik Schwiiz
wie d Wahl füre Nazionalroot usecho isch
wie d Wahl füre Ständeroot usechoo isch
| Kanton | 1. Ständerootssitz | 2. Ständerootssitz |
|---|---|---|
 Aargou
| zwöite Wahlgang | zwöite Wahlgang |
 Appezäll Osserode
| Andrea Caroni, FDP | — |
 Appezöll Inneroode
| Daniel Fässler, CVP (a dr Landsgmäind vom 28. April 2019 scho gwählt) | — |
 Baselbiät
| zwöite Wahlgang | — |
 Basel-Stadt
| Eva Herzog, SP | — |
 Bärn
| zwöite Wahlgang | zwöite Wahlgang |
 Frybùrg
| zwöite Wahlgang | zwöite Wahlgang |
 Gänf
| zwöite Wahlgang | zwöite Wahlgang |
 Glaris
| Thomas Hefti, FDP | Mathias Zopfi, Grüeni |
 Graubünda | Stefan Engler, CVP | Martin Schmid, FDP |
 Jura
| Elisabeth Baume-Schneider, SP | Charles Juillard, CVP |
 Lozärn
| Damian Müller, FDP | zwöite Wahlgang |
 Nöieburg
| Philippe Bauer, FDP | Céline Vara, Grüeni |
 Nidwaudä
| Hans Wicki, FDP (stilli Wahl) | — |
 Obwaldä
| Erich Ettlin, CVP (stilli Wahl) | — |
 Schaffhuuse
| Hannes Germann, SVP | Thomas Minder, partäilos |
 Schwyz
| Alex Kuprecht, SVP | zwöite Wahlgang |
 Soledurn
| Pirmin Bischof, CVP | zwöite Wahlgang |
 Sanggale
| zwöite Wahlgang | zwöite Wahlgang |
 Tessin
| zwöite Wahlgang | zwöite Wahlgang |
 Thurgau
| Brigitte Häberli-Koller, CVP | Jakob Stark, SVP |
 Uri
| Josef Dittli, FDP | Heidi Z’graggen, CVP |
 Waadt
| zwöite Wahlgang | zwöite Wahlgang |
 Wallis
| zwöite Wahlgang | zwöite Wahlgang |
 Zoog
| Peter Hegglin, CVP | zwöite Wahlgang |
 Züri
| Daniel Jositsch, SP | zwöite Wahlgang |