Schwäfeldioxid
Allgmeins
Anderi Nämme	Schwäfel(IV)-oxid, Schwäfligsürianhydrid
Summeformle	SO2
CAS-Nummere	7446-09-5
E-Nummere	220
Churzbeschribig	farbloss, stechend richends, giftigs Gas
Eigeschafte
Molmasse	64,06 g/mol
Aggregatzuestand	gasförmig
Dichti	2,927 g/L
Schmelzpunkt	-72,7 °C
Sidepunkt	-10 °C
Dampfdruck	2400 hPa (? °C)
Löslichkeit	guet in Wasser (105 g/L bi 20 °C)
Sicherheitshiwiise
Gfahresymbole T Giftig
R- un S-Sätze	R: 23-34 S: 1/2-26-36/37/39-45-9
MAK	2ml/m³ bzw. 5 mg/m³
Sowitt möglich un gebrüchlich, werre SI-Eiheite verwendet. Wenn nit anderst vermerkt, gelte die agäbene Date bi Standardbedingige.

Schwäfeldioxid, SO₂, isch e farbloses, giftigs Gas, wo e stechige un süre Gschmack het. Es entstoht vor allem bi dr Verbrennig vu schwäfelhaltige fossile Brennstoffe wie Chohle oder Erdölprodukte, wo bis zue 4 Prozent Schwäfel enthalde. Dodur duet's in erheblichem Mass zuer weltwitte Luftverschmutzig bitrage, es isch ei Bestanddeil vum Süre Räge, wobi sich s'Schwäfeldioxid mit Wasser zue Schwäfeliger Süri (H₂SO₃) umsetzt. Um säll z'verhindere git's verschideni Verfahre zuer Rauchgasentschwäfelig. D'Schwäfeldioxidbelastig vu dr Luft isch dorum in Dytschland drastisch zruckgange, aber bispilwiis in China noch immer extrem hoch.

Flüssigs Schwäfeldioxid leest zahlriichi Stoffe un het sich doher als wertvolls Lösigsmiddel etabliert.

Es isch s'Anhydrid vu dr schwäflige Süri H₂SO₃.

In dr Läbensmiddelindustri findet Schwäfeldioxid under dr Bezeichnig E 220 als Konservierigsmiddel un Antioxidationsmiddel Verwendig, vor allem fer Druchefrüchte, Herdepfelgrichte, Fruchtsäfte, Schlegg un Wi. Es dient au zuer Herstellig vu Thionylchlorid SOCl₂. Ferner isch Schwäfeldioxid e wichtigs Edukt zuer Herstellig vu Schwäfeltrioxid, um aschliessend konzentrierti Schwäfelsüri z. B. mit em Kontaktverfahre herzstelle.

Herstellig

Schwäfeldioxid wird oft hergstellt dur Verbrennig vu Schwäfel an dr Luft

S_(s) + O_{2 (g)} → SO_{2 (g)}

Schwäfelwasserstoff su Rohöl cha ebefalls verbrennt werre:

2H₂S_(g) + 3O_{2 (g)} → 2H₂O_(g) + 2SO_{2 (g)}

Sulfide wie Iisepyrite un Sphalerite (Zinkblende) chänne au verwendet werre:

4FeS_{2 (s)} + 11O_{2 (g)} → 2Fe₂O_{3 (s)} + 8SO_2 (g)

2ZnS _(s) + 3O_{2 (g)} → 2ZnO _(s) + 2SO_{2 (g)}

Wenn anhydriertes CaSO₄, mit flüssigem Koks und Sand bi dr Zementherstellig erhitzt wird, entstoht CaSiO₃ un Schwäfeldioxid isch e Näbeprodukt

2CaSO_{4 (s)} + 2SiO_{2 (s)} + C _(s) → 2CaSiO₃

Sustigs

• Schwäfeldioxid spilt e dominierendi Rolle bim Vulkanismus uffem Jupitermond Io.
• Uf dr Erde wird Schwäfeldioxid ebefalls bi Vulkanusbrüch usgast un cha debi bis in d'Stratosphäri glange. Schwäfeldioxid in dr Stratosphäri het e abchüehlende Klimaeffekt.

Dä Artikel basiert uff ere fräie Übersetzig vum Artikel „Schwefeldioxid“ vu de dütsche Wikipedia. E Liste vu de Autore un Versione isch do z finde.