Schlatt-Haslen
Wappe vo Schlatt-Haslen
Wappe vo Schlatt-Haslen
Basisdate
Staat:Schwiiz
Kanton:Appezell Innerrhode (AI)
Bezirk:(Bezirk ond Gmeend sönd identisch)
BFS-Nr.:3104i1f3f4
Poschtleitzahl:9050 Appenzell Enggenhütten
9050 Appenzell Schlatt
9054 Haslen AI
Koordinate:747895 / 246936
Höchi:740 m ü. M.
Flächi:17,9 km²
Iiwohner:1108 (31. Dezämber 2022)[1]
Website:www.schlatt-haslen.ch
Charte
Charte vo Schlatt-Haslen
Charte vo Schlatt-Haslen
www

Schlatt-Hasle ischt e politischi Gmeend (me sääd offiziöll Bezirk) im Kantoo Appezöll Inneroode i de Ostschwiz.

Ortsgliderig

Schlatt-Hasle umfasst s Gebiet zwöschedd de Hondwiler Höchi und em Rotbach mit de Döefe Hasle (740 m ü. M.), Schlatt (921 m) und Enggehötte (750 m).

Zu Hasle ghöet sit em Joor 1877 o e Exklave im Kantoo Appezöll Osseroode i de Gmeend Tüüfe, s Chlooste Wonnestää.

Geschicht

De Bezirk Schlatt-Hasle ischt 1872 os de Rhode Schlatt ond em Dorf Hasle entstande.

Name

Me säät Schlatt chämm vo «Slatte»: Bodesänkig oder Abhang, ond Hasle chämm vo «Haslowe»: Au oder wasserriichs Wisland met Haselstuude.

Bevölkerig

Quelle: Bundesamt für Statistik 2005[2]

Bevölkerigsentwicklig
Joor18801900195020002010
Iiwohner14171383132911461135

Bsondrigs zom Aaluege

Di nöiromaisch Pfachölche «Maria Hilf» z Hasle ischt 1901 bout worde. Si häd dröninn e Böld vo de Muettegottes mit em Jesuschend, vemuetlech e Kopii vo de Passauer Madonna. Di nöibarock Chölche im Schlatt obe ischt 1911/12 bout worde ond häd o a Mariaböld dinna, säb häässt «Maria vom Guten Rat». Beed Gotteshüüser sönd vom August Hardegger, eme Sanggaller Archidekt, plaanet worde. Es sönd hüt beeds Wallfahrtschölchene. Z Enggehütte, wo westlich vo de Settere liid, stood set 1670 d Kapöll St. Peter und Paul.

Literatur

  • Rainald Fischer: Die Kunstdenkmäler des Kantons Appenzell Innerrhoden. Das Innere Land: Haslen. Birkhäuser AG, Basel 1984, ISBN 3-7643-1629-2. (= Die Kunstdenkmäler der Schweiz, Band 74.) S. 420–430.
  • Rainald Fischer: Die Kunstdenkmäler des Kantons Appenzell Innerrhoden. Das Innere Land: Schlatt. S. 436–441.
  • Rainald Fischer: Die Kunstdenkmäler des Kantons Appenzell Innerrhoden. Das Innere Land: Schlatt-Haslen. S. 495.
 Commons: Schlatt-Haslen – Sammlig vo Multimediadateie

Fuessnoote

  1. ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
  2. ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.