Als Schinèschtuèl wörd è Vorrichtig benamst, welli è Ysebahnschinè zu dè Befeschgtigung uf èrè Bahnschwellè ufnimmt. Dè Namè (chairs) chunnt us èm Englischè un isch mit dè erschtè us England gliferètè Ysèbahnè übernoo worrè.
Diè erschtè Schinèstüèl wared Gussysè-Brofyl, welli mit Dübel un Nägel uff Steiwürfèl befeschtiget worrè sin (z. B. bi dè bayerischè Ludwigsbahn). Si nemmet in irer Verdüèfig diè domõls vowendetè, vill chlyneri Dopelkopfschinè bzw. spezièlli Stuèlschinè uff un stützèt sy au sitlich. Dodèbi wörret zwischè dè ußèligendè höcherè Stuhl-Lèèni un èm Schinèstäg èn Holzpflock zu dè Fixyrig iètribè. Diè innèligendi Stägsitè vo dè Schinè isch direkt a dè düèfer ligendè bogenè Innè-„Lèèni“ vom Stuèl aa.
Mit èm Uffkõõ vo dè Breitfuèß- bzw. Winjolschinè hèt sich d Stuèlform zu dè profilyrtè Plattè, welli nu no dè Schinèfuèß umgriffè hèt. Diè Bauformè sin deby sehr unterschydlich, si sin nit nu uff d Befeschtigungsart (Schruubè, Klammerè usw.) un s Schwellèmatriaal (Holz, Staal odder Bedong) abgschtimmt, sondern je nõch Aaforderig au uff bsunders exakti Spurhaltig, nõchträglichi Korrekturmöglichkeitè odder bsunders guèti Grüschdämmig.
Wärend d Uflageplattè bi Holz un Bedongschwellè normalerwys uffgeschruubt wörd, isch si bi Staalschwellè oft uff d Schwellè uffgschweißt odder in è Nuèt gschobè un voschpannt. Bi Gleis mit gringè Aaforderigè, wo dõdèzuè hüüfig neu volegt wörred (z. B. Feldbahnè un Grubenbahnè), wörd uff Schinèstüèl oft vozichtet.
S Baudeil wörd zum Befeschtigungsmatriaal, dem mo au Chlyysè sait, vom Schinèoberbaumatriaal zellt. Dodèby wörd diè Ufflageplattè mitsamt dè Aabaudeil als Schinèstuèl betitlèt.
Im angloamerikanischè Sproochruum wörd dè Begriff „rail chair“ au für d Montageyrichtigè für d Stromschinè (Third rail) vowendet. Selli hèn durch diè bsunderè Aaforderigè vo dè elektrischè Isolation jewyls ganz spezjeli Formè.
Byschpill vo diversè Schinèschtüèl
Schinèstuèl mit Doppelkopfschinè (1844)
Älterer Schinèstuèl bi dè SNCF
Älterer Schinèstuèl mit Vobindigslaschè uff enèrè Bahnstreggi bi Killarney, Irland
Museumsschtugg im Museum of Transport, Scotland.
Schinèschtuèl uff Holzschwellè uffgschruubet un d Schinè klammerèt
Vier Schwellèschruubè haaltet d Schinèstuèl uff dè Bedongschwellè un zwei Hõõkèschruubè d Schinè.
Vir Schruubè haltet sowoll d Schienè als auch dè Schinènstuèl (sog. offni Unterlaagsplattè)
Als Vogleich Schinè, wo ooni Schienèstuèl direkt uff d Schwellè gschruubet sin.
>
 |
Dä Artikel basiert uff ere fräie Übersetzig vum Artikel „Schienenstuhl“ vu de dütsche Wikipedia. E Liste vu de Autore un Versione isch do z finde. |
