| Santa Maria in Calanca | |
|---|---|
 Wappe vo Santa Maria in Calanca | |
| Basisdate | |
| Staat: | Schwiiz |
| Kanton: | Graubünde (GR) |
| Region: | Moesa |
| BFS-Nr.: | 3810 |
| Poschtleitzahl: | 6541 |
| Koordinate: | 731510 / 125009 |
| Höchi: | 955 m ü. M. |
| Flächi: | 9.31 km² |
| Iiwohner: | 121 (31. Dezämber 2022)[1] |
| Website: | www.santamariaic.ch |
 Santa Maria in Calanca Santa Maria in Calanca | |
| Charte | |
 Charte vo Santa Maria in Calanca | |
Santa Maria im Calancataal (offiziell uf iteliänisch: Santa Maria in Calanca; mängmol au Santa Maria di Calanca) isch e politeschi Gmeind i der Region Moesa vom Kanton Graubünde.
Wappe
S Wappe vo Santa Maria zeigt uf blauem Hindergrund und uf ere wysse Wulche die guldegi Gstalt vo der heilige Maria, wo in Himmel ufstygt und e Chrone und e Heiligeschyn het.
Das Bild verwyst uf s Patrozinium vo dr Dorf- und Wallfaartschile Maria Himmelfaart. Die Chile isch ane 1291 s erschte Mol gnännt.
Geografii
Santa Maria liit am üsserschte Ändi vom Calancataal, mee als 600 Meter über em Taalbode vo dr Moesa näbe dr Gmeind Grono. S alte Dorfzänturm mid dr Chile isch bim ene markante Felsvorsprung bout, wo druff d Ruiine von ere Burg sind, der Torre Santa Maria. Weni underhalb vom Dorf liit d Nochbergmeind Castaneda.
Der Dorfbann vo Santa Maria ziet sech wyt über de höch Bärghang bis zu dr Bärgchetti mid em Piz di Renten, em Piz di Rüss und em Molera und zum Näbegipfel vom Piz de Groven (2674 Meter über Meer). I de Bärgwälder verstreut lige Mäjesäss und Alpe, wo deils nümm bstosse und scho wider vo Büsch und Wälder zuetekt wärde.
Die andere Nochbergmeinde vo Santa Maria sind Calanca und Buseno.
Weblink
- d Website vo dr Gmeind Santa Maria in Calanca
- Cesare Santi: Santa Maria in Calanca (Gemeinde). In: Historisches Lexikon vo dr Schwiiz.
- Werner Meyer: Santa Maria in Calanca (Burg). In: Historisches Lexikon vo dr Schwiiz.
- Bundesinventar ISOS: Santa Maria in Calanca (PDF; 2,1 MB)
Fuessnoote
- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023