Dialäkt: Undermarkgreflerisch
d Sandra Boser 2013

D Sandra Boser (* 20. Juni 1976 z Spoachenga) isch e dytschi Bolitikeri (Bindnis 90/Di Griene). Syter anne 2011 isch si Abgordneti im Landdag vu Bade-Wirttebärg.

Uusbildig un Beruef

D Sandra Boser het am Wirtschaftsgymnasium Huuse s Abitur gmacht un derno an dr Beruefsakademy z Manne Bedribswirtschaft studiert. Vu 1995 bis 2008 het si bi dr SV SparkassenVersicherung z Manne un z Stuegert gschafft. Vu 2010 bis 2011 isch si Mitarbaiteri im Abgordnetebiro vum Griene-Bolitiker Alexander Bonde gsii, wu dodmol Mitglid im Dytsche Bundesdag gsii isch.

Bolitischi Laufbahn

D Sandra Boser isch anne 2007 in dr Bartei von Bindnis 90/Di Grienen yydrätte. Si isch Mitglid vum Vorstand vum Kraisverband Ortenau un im Ortsverband Kinzigdal. Bi dr Landdagswahl z Bade-Wirttebärg 2011 isch si im Landdagwahlkrais Lohr in dr Landdag vu Bade-Wirttebärg gwehlt wore. Dert isch si stellverdrättendi Fraktionsvorsitzeri un bildigsbolitischi Sprächeri vu dr griene Landdagsfraktion.

Bi dr Landdagswahl z Bade-Wirttebärg am 13. Merz 2016 het d Sandra Boser mit 30,65 Brozänt vu r Stimme s Diräktmandat im Wahlkrais Lohr gwunne.[1]

Mitglidschafte

  • Mitglid vum Stiftigsrot vu dr Stiftung Kinderland Baden-Württemberg gGmbH
  • stellv. Mitglid vum Verwaltigsrot vum Badische Staatstheater Karlsruhe
  • Mitglid vum Kuratorium vu dr Bundesakademie für musikalische Jugendbildung Trossingen e. V.
  • Mitglid vum Byrot fir dr Schülerwettbewerb des Landtags von Baden-Württemberg zur Förderung der politischen Bildung
  • Mitglid vum Byrot vu dr Stiftung Singen mit Kindern
  • Mitglid vum Vereins Kultur im Schloss Wolfach e. V.
  • Mitglid vum Elterebyrot vum Katholischen Kindergarten St. Laurentius Wolfach
  • Mitglid vum Byrot vu dr Verbraucherzentrale Baden-Württemberg e. V

Familie und Privates

D Sandra Boser isch ghyrote un wohnt mit ihrem Mann un ihre zwee Sihn z Wolfe.

 Commons: Sandra Boser – Sammlig vo Multimediadateie

Fueßnote

  1. ↑ Sandra Boser nimmt der CDU das Direktmandat ab Badische Zeitung vom 14. März 2016
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.