| Saafewyl | |
|---|---|
 Wappe vo Saafewyl | |
| Basisdate | |
| Staat: | Schwiiz |
| Kanton: | Aargau (AG) |
| Bezirk: | Zofingen |
| BFS-Nr.: | 4283 |
| Poschtleitzahl: | 5745 |
| UN/LOCODE: | CH SAF |
| Koordinate: | 641159 / 241013 |
| Höchi: | 484 m ü. M. |
| Flächi: | 5.99 km² |
| Iiwohner: | 4412 (31. Dezämber 2022)[1] |
| Website: | www.safenwil.ch |
 Saafewyl Saafewyl | |
| Charte | |
 Charte vo Saafewyl | |
Saafewyl (amtlich Safenwil) isch e Gmeind im Bezirk Zofige vom Kanton Aargau.
Geografy
S Dorf lyt uf emene nidrige Saddel zwüschem Bärg Hochwacht im Süde und em Rügge vom Ängelbärg im Norde, wo d Stroosse usem Wiggerdaal is Üerkedaal und wyter is Suuredaal drüber füere. Sid alte Zyte isch das e gueti Verbindig gsi kwer dur s Schwiizer Middelland. Scho d Römer hend dä Wääg bruucht vom grosse Landguet, wo me z Zofige gfunde het, uf Vindonissa abe; do isch den sid em Middelaltr di alti Landstrooss vo Züri uf Bärn und a Gämfersee dure ggange; i der neue Zyt isch das d Houptstrooss Nummere 1 vo dr Schwiiz, wo no hüt der steil Stutz übere Strigel muess nää; dezue ane sind im 19. Joorhundert näbm Dorf d Gleis vo der Nazionalbaan vo Winti über Länzbrg uf Zofige cho; und sid de 1960er Joore goot au no d Schwiizer Autobaan A 1 dur Saafewyl und em Mülibach noo. Grad a dr Autobaan isch s grosse Autozäntrum vo de Emil Frey AG, wo Toyota, Subaru, Jaguar, Suzuki und no anderi Automargge importiert.
Gschicht
S Dorf isch in ere gschichtleche Kwelle us em Joor 893, eme Zeisrodel vom Fraumöischter vo Züri, s erschte Mol erwäänt. Es heisst det drin «Sabenewilare».
Lüüt
- Karl Barth (1886–1968), Theoloog, Pfarrer z Saafewyl gsi vo 1911 bis 1921
Weblink
- Website vo dr Gmeind Saafewyl
- Christian Lüthi: Safenwil In: Historisches Lexikon vo dr Schwiiz.
Fuessnoote
- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023