D Regierigssystem uf der Wält
Republikanischi Staatsform: ██ Presidentiells Regierigssystem ██ Semipresidentiells Regierigssystem ██ D Exekutive isch ans Palamänt bunde ██ Parlamentarischs Regierigssystem ██ Eiparteiesystem ██ Die verfassigsmässigi Regierig isch gstürzt worde (de facto meistens Militärdiktature) Monarchische Staatsform: ██ Parlamentarischi Monarchii ██ Konstitutionelli Monarchii ██ Absoluti Monarchii ██ sustigi System oder unklari politischi Situatione Stand: 2012

Es Regierigssystem beschriibt di formali Usgstaltig und d Funkzionswiis von ere Regierig. S Wort Regierigssystem wird glägentlich au als Synonym für de Begriff „politisches System“ verwändet, obschon letschteres im eigentliche Sinn en abstraktere Begriff isch.

Zentral für d Typologisierig vom e Regierigssystem isch d Frag, wie s Staatsoberhaupt, de Regierigschef und s Parlamänt zunenand stönd, bzw. d Kompetänze vo de einzelne politische Instituzione.

Underscheidig

Wichtegi Regierigssystem sind:

• i Republike:

• • präsidäntiell (De Präsidänt hät wiitrichendi Befuegniss und isch Staatsoberhaupt und Regierigschef zuegliich.)

• • semipräsidäntiell (E Mischform zwüsche präsidäntiell und parlamentarisch.)

• • parlamentarisch (S Parlamänt staht im Mittelpunkt vo de Staatsgwalt.)

• • System vo de Exekutive, wo as Parlamänt bunden isch (E Sonderform, wo d Regierig vom Parlamänt gwählt wird und abhängig isch vom nämlige Vertraue.)

• • Direktorialsystem (Es Direktorium, wo vom Parlamänt gwählt isch, als Kollektivorgan, wo Träger vo de Regierigsgwalt und ex post nöd vom Vertraue vom Parlamänt abhängig isch.)

• • Einparteiesystem (Es existiert nur ei wählbari politischi Partei.)

• i Monarchie:

• • Absoluti Monarchii (De Monarch hät di absoluti und unigschränkti Macht.)

• • Konstituzionelli Monarchii (De Monarch wird dur e Verfassig igschränkt.)

• • Parlamentarischi Monarchii (D Macht vom Monarch isch starch begränzt, wil s es Parlamänt git, wo vom Volk gwählt isch, und das chan de Monarch kontroliere.)

Literatur

• Jürgen Hartmann: Das Regierungssystem. Definition, Typologie und politiktheoretischer Hintergrund. In: Jürgen Hartmann: Westliche Regierungssysteme: Parlamentarismus, präsidentielles und semi-präsidentielles Regierungssystem. VS Verlag, 2005, ISBN 3-531-14221-6, S. 15 ff.

Dä Artikel basiert uff ere fräie Übersetzig vu dere Version vum Artikel „Regierungssystem“ vu de dütsche Wikipedia. E Liste vu de Autore un Versione isch do z finde.