De Ratpert isch e Mönch gsii, wo im 9. Joorhundert im Chlooster Sanggale as Dichter und Historiker gwörkt het.

De Ratpert isch im igeente 9. Joorhundert z Zöri uf d Welt cho und denn im Chlooster Sanggale Mönch wore, won er en Schüeler vom Iso und vom Moengal gsii isch. Er isch en Fründ vom Notker Balbulus und em Tuotilo gsii. Sis bikanntist Werch isch d Casus Sti Galli, e Gschichtsbuech vom Chlooster, wo bis is Joor 883 goot. Me ninnt drumm aa, as er glii noch dem Joor gstorben isch. Sin Namestaag isch em 25. Oktober.

De Ratpert het aber au e tütsches Loblied uf de Hailigi Gallus tichtet, wo aber nu i de latinische Fassig vom Ekkehard IV. öberliferet isch as Cantilena S Galli. De Ekkehard het au d Biographii vom Ratpert gschribe und demm sis Gschichtsbuech wittergfüert.

Büecher

• Peter Osterwalder: Das althochdeutsche Galluslied Ratperts und seine lateinischen Übersetzungen durch Ekkehard IV. i: "Das Althochdeutsche in St. Gallen"; de Gruyter, Berlin (1982). (Bem.: De Titel isch irrefüerend, do di althochtütschi Fassig nöd öberliferet isch.)