Wappe vom RakArtBtl 122
Fliigerabwehrgruppe vom RakArtBtl 122 bim Schisse z Munschter

S Raketeartilleriebataillon 122 vo de Bundeswehr isch im 1961i mit em Name Raketeartilleriebataillon 92 z Großengstingen ufgschtellt und im Johr 2002 z Walldürn ufglöst worde.

Gschicht

D Ufschtellig isch im 1961 mit Eiheite vo de Fallschirmartillerie erfolgt und im Mai 1963 isch s Bataillon vo Großengstinge uf Philippsburg verlegt worde. Bi de Umgliiderig vom Heer im 1964i isch s Bataillon em Artillerieregiment 12 unterschtellt worde, wo zu de 12. Panzerdivision ghört het. Ab em 1. November 1964 het s Bataillon dann Raketeartilleriebataillon 122 gheisse. De Bezug zu de Fallschirmspringern het am 4. Oktober 1966 es End gfunde mit em letschte Sprung vo eme Bataillonsmitgliid uf d Rhiischanzinsle.[1] Im Juli 1964 het s Bataillon z Pforze en Iisatz in de Kataschtrophehilf gha.[1] Zu de US-Army het s Bataillon immer es engs Verhältnis gha. Scho mit em Umzug uf Philippsburg isch em Bataillon s 3rd USA Arty Detachment zugordnet worde und im 1977i isch e Pateschaft mit de 1st Bn 80th Field Arty entschtande.[2] Im 1993i isch s Bataillon vo Philippsburg uf Walldürn verlegt und dete im 2002 ufgelöst worde.

Persönlichkeite

  • Manfred Hofmeyer, hüt Brigadegeneral, het s Bataillon vom 1989i bis ins 1991i im Dienschtgrad vo eme Oberstleutnant kommandiirt.
  • Stefan Mappus, ehemolige Minischterpräsident vo Bade-Württebärg, het im Bataillon sin Grundwehrdienst abgleischtet.

Literatur

  • 20 Jahre Raketenartilleriebataillon 122, Festschrift zum 20. "Geburtstags" des Bataillons.
 Commons: Raketenartilleriebataillon 122 – Sammlig vo Multimediadateie

Einzelnochwis

  1. 1 2 20 Jahre Raketenartilleriebataillon 122 S. 14
  2. ↑ 20 Jahre Raketenartilleriebataillon 122 S. 19
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.