| Rüfenach | |
|---|---|
 Wappe vo Rüfenach | |
| Basisdate | |
| Staat: | Schwiiz |
| Kanton: | Aargau (AG) |
| Bezirk: | Brugg |
| BFS-Nr.: | 4112 |
| Poschtleitzahl: | 5235 |
| Koordinate: | 657984 / 262392 |
| Höchi: | 374 m ü. M. |
| Flächi: | 4.17 km² |
| Iiwohner: | 856 (31. Dezämber 2022)[1] |
| Website: | www.ruefenach.ch |
| Charte | |
 Charte vo Rüfenach | |
Rüfenach isch en Iiwohnergmeind im Bezirk Brugg im Schwiizer Kanton Aargau.
Geographii
S Dorf liegt am nördleche Fuess vom Bruggerbärg. Zwüsche Rüfenach und Hinderrei lauft der Reinerbach dure, wo bi Viligen id Aare mündet.
De Gmeindsbann het e Flächi vo 417 Hektare, dodervo sind 170 Hektare Wald und 48 Hektare überbaut. Di höchschti Stell isch uf 522 Meter, di tüfschti uf 325 Meter.
Gschicht
S erschti Mol list me der Ortsname Rufinach in ere Urkund us em Johr 1227.
Im Mittelalter isch Rüfenach im Bsitz vo de Habsburger gsi und het zum Gricht Bözberg ghört. Derte hei d Habsburger di höchi Grichtsbarkeit gha. Ab em 1348 hei d Bsitzer vom Gricht immer mol wider gwächslet, wil s verpfändet worde-n-isch. Ab em 1377 het s Dorf dann zu de Herrschaft Schänkebärg ghört.
Im Johr 1460 hei d Bärner d Herrschaft Schänkebärg, eroberet. D Reformation isch, wi überall z Bärn, im 1528i iigführt worde. Im 1566i isch de Grichtsbezirk Bözberg teilt worde und Rüfenach het sini Grichtsfäll ab do z Stilli verhandlet.
Im März 1798 sin d Franzose in d Schwiiz iimarschiirt u-n-hei di Helvetisch Republik usgruefe. Rüfenach ghört sither zum Kanton Aargau. Im 1898 isch d Gmeind Rei en Teil vo de Gmeind Rüfenach worde.
Literatur
- Felix Müller: Rüfenach. In: Historisches Lexikon vo dr Schwiiz.
- Felix Müller: Rein. In: Historisches Lexikon vo dr Schwiiz.
Weblink
Fuessnote
- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023