| Plymouth | |||
|---|---|---|---|
 Plymouth, The Hoe | |||
| Koordinate | 50° 22′ N, 4° 8′ W | ||
| |||
| Iiwohner | 258.026 (Stand: 2012) | ||
| Flechi | 79,78 km² (30,8 mi²) | ||
| Bevölkerigsdichti | 3.234,2 Iiwooner/km² | ||
| Verwaltig | |||
| Landestäil | England | ||
| Zeremonielli Grofschaft | Devon | ||
| ONS-Code | 00HG | ||
| Website: www.plymouth.gov.uk | |||
Plymouth [ˈplɪməθ] (Kornisch Aberplymm) isch e Stadt in Ängland in dr Groofschaft Devon (Südwestängland). Es isch scho lang e wichdigi Haafestadt gsi, und isch hüte immer no dr Standort vo dr königlich-britische Marinewärft und vom Marinestützpunkt Devonport im Weste vo dr Stadt, wo dr grösst Marinehaafe in Westöiropa und dr wichdigst Arbetgääber in Plymouth isch.
D Stadt isch Sitz vom römisch-katholische Bistum Plymouth. Es isch die grössti Stadt am änglische Ufer vom Ermelkanal und die grössti änglischi Stadt südlig vo London.
Entdeckigsräise vo Plymouth us
Wäge sinere Laag und dr Marinebasis, wo 1691 gründet worde isch, isch Plymouth dr Startort von e Hife Forschigs- und Entdeckigsräise gsi, drunder
- 1577 für d Wältumseeglig vom Francis Drake,
- 1585 für d Gründig vo dr Kolonii Roanoke under em Richard Grenville,
- 1620 für d Mayflower, wo si uf Nordamerika gseeglet isch,
- 1768, 1772 und 1776 für d Faarte vom James Cook in Pazifik,
- 1831 für d Wältumseeglig vo dr Beagle mit em Charles Darwin,
- 1966 für d Wältumseeglig vom Francis Chichester.
Bildli
Alti Charte vo Plymouth 1888
S Dänkmol zu Eere vom Sir Francis Drake uf The Hoe (mit ere Wältchugele as Symbol für si Wältumseeglig)
Die chlini Haafeschlöise am Barbican, grad bim Sea Aquarium.
Litratuur
- Ralf Nestmeyer: Cornwall & Devon. Ein Reisehandbuch. Michael-Müller-Verlag, Erlangen 2011, ISBN 978-3-89953-604-1.
Weblingg
- D Internetsite vo dr Stadt (ängl.)
- This is Plymouth (ängl.)
- The Encyclopaedia of Plymouth History (ängl.)
Quälle
- Bevölkerig vo Ängland und Wales am 30. Juni 2012 (ZIP; 832 kB)
 |
Dä Artikel basiert uff ere fräie Übersetzig vum Artikel „Plymouth“ vu de dütsche Wikipedia. E Liste vu de Autore un Versione isch do z finde. |
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.