D' Pasiphae-Gruppe isch ä Gruppe vu Monde vum Planet Jupiter, wo sich uf ähnliche Bahne bewege.

Die große Halbaxe vu ihre Bahne verlaufe debi zwische 22,8 un 24,1 Millione km, wiise Exzentrizitäte zwische 0,25 un 0,43 sowi Inklinatione (Bahnnaigige) zwische 144,5° un 158,3° uf, wobi d'Monde sich retrograd, d. h. entgege vu de Rotationsrichtig vum Jupiter, um de Planet bewege.

Die drizehn Mitglider vu de Gruppe sin (mit zuenämmendem Abstand vum Jupiter):

• Eurydome
• S/2003 J 23
• Hegemone
• Pasiphae, de größt Mond un d'Nammensgäberi
• Sponde
• Cyllene
• Megaclite
• S/2003 J 4
• Callirrhoe
• Sinope
• Autonoe
• Aoede
• S/2003 J 14

Anderst wie bi de andere retrograde Gruppe vu Jupitermonde, de Ananke-Gruppe un de Carme-Gruppe, sin d'Bahnnaigige vu de Pasiphae-Gruppe relativ underschidlich. Vermuetlich handelet es sich um ä älderi Gruppe, bi der d'Bahne vu de Mitglider iber sehr langi Zittrüüm hiwegg gravitativ gstört worre sin.

Die International Astronomisch Union (IAU) vergit fer die retrograde Monde vum Jupiter Namme mit de Endig e.

Dä Artikel basiert uff ere fräie Übersetzig vum Artikel „Pasiphae-Gruppe“ vu de dütsche Wikipedia. E Liste vu de Autore un Versione isch do z finde.