| Oberdiessbach | |
|---|---|
 Wappe vo Oberdiessbach | |
| Basisdate | |
| Staat: | Schwiiz |
| Kanton: | Bärn (BE) |
| Verwautigschreis: | Bärn-Mittuland |
| BFS-Nr.: | 0619 |
| Poschtleitzahl: | 3672 |
| UN/LOCODE: | CH ODI |
| Koordinate: | 613772 / 187636 |
| Höchi: | 605 m ü. M. |
| Flächi: | 16,45 km² |
| Iiwohner: | 3572 (31. Dezämber 2022)[1] |
| Website: | www.oberdiessbach.ch |
 Familiekapell Wattenwyl Familiekapell Wattenwyl | |
| Charte | |
 Charte vo Oberdiessbach | |
Diessbech (amtlech Oberdiessbach, bis 1870 Diessbach) isch e politischi Gmeind im Verwautigschreis Bärn-Mittuland im Kanton Bärn, Schwyz.
Geografi
Diessbech ligt im Chisetau zwüsche Churzeberg Flakeflue un Hueb. D Gmeindsflächi isch im Jahr 2012 us 50,9 % langwirtschaftlecher Flächi, 39,4 % Waud, 9,5 % Sidligsflächi u 0,2 % süschtigi Flächi bstange.[2] D Nachburgmeinde si Bränzikofe, Buechouterbärg, Faarni, Frimettige, Heerblige, Hütlige, Linge u Wichtrech.
Gschicht
Sit 2010 ghört d ehmalig Nachburgmeind Äschle (Aeschlen) zue Diessbech un sit em 1. Jänner 2014 ou Bleike. Bis zum 31. Dezämber 2009 het d Gmeind zum Bezirk Chonufinge ghört.
Diessbech isch zum erschte Mal gnennt worde im Jahr 1218 aus Tiecebac, Äschle 1303 aus Eschlon.
Ywohner
Quäuue: Bundesamt für Statistik 2005[3]
| Jahr | 1850 | 1860 | 1870 | 1880 | 1888 | 1900 | 1910 | 1920 | 1930 |
| Diessbech | 1175 | 1024 | 1084 | 1173 | 1184 | 1281 | 1410 | 1597 | 1604 |
| Äschle | 455 | 391 | 406 | 363 | 345 | 348 | 338 | 319 | 304 |
| Jahr | 1941 | 1950 | 1960 | 1970 | 1980 | 1990 | 2000 | 2009 | 2013 |
| Diessbech | 1703 | 1873 | 1927 | 2145 | 2319 | 2486 | 2916 | 2810 | zäme |
| Äschle | 298 | 321 | 281 | 244 | 255 | 285 | 317 | 305 | 3052 |
Dr Uusländeraateil isch 2010 bi 5,7 % gläge.[2]
Religion
81,6 % vo de Ywohner si evangelisch-reformiert, 5,6 % si römisch-katholisch (Stang 2000).[2]
Politik
Bi de Nationauraatswahle 2011 het s das Ergebnis ggää:[2] BDP 12,4 %, CVP 0,8 %, EVP 7,4 %, FDP 11,3 %. GLP 4,8 %, GP 8,3 %, SP 14,0 %, SVP 33,0 %, Suschtigi 8,0 %.
Gmeindspresidänt vo Diessbech isch dr Hans-Rudolf Vogt (Stang 2013).
Wirtschaft
D Arbetslosigkeit isch im Jahr 2011 bi 1,0 % gläge.[2]
Sprach u Dialäkt
Bir Vouchszeuuig 2000 hei vo de 2916 Ywohner 95,5 % Dütsch aus Houptsprach aaggää, 0,8 % Französisch u 0,5 % Italienisch.[2]
Dr Dialäkt vo Diessbech ghört zum Hochalemannisch.
Biuder
Diessbech vor Falkeflue uus gsää 
Nöis Schloss (1666–68) 
Diessehof (18. Jh.)
Weblink
- www.oberdiessbach.ch
- Anne-Marie Dubler: Diessbech. In: Historisches Lexikon vo dr Schwiiz.
- Anne-Marie Dubler: Äschle. In: Historisches Lexikon vo dr Schwiiz.
Fuessnote
- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- 1 2 3 4 5 6 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv) , Mai 2012
- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )