| Niederstocken | ||
|---|---|---|
 Wappe vo Niederstocken | ||
| Basisdate | ||
| Staat: | Schwiiz | |
| Kanton: | Bärn (BE) | |
| Verwautigschreis: | Thun | |
| Gmeind: | Stocken-Höfen | |
| Poschtleitzahl: | 3632 | |
| Koordinate: | 611067 / 172098 | |
| Höchi: | 634 m ü. M. | |
| Flächi: | 5.5 km² | |
| Iiwohner: | 249 (31. Dezämber 2013) | |
| Charte | ||
| ||
Niderstocke (amtlech Niederstocken) isch e politischi Gmeind im Verwautigschreis Thun im Kanton Bärn, Schwyz gsi. Am 1. Jänner 2014 het si mit dr ehmauige Gmeinde Höfe un Oberstocken zur nöie Gmeind Stocke-Höfe fusioniert.
Geografi
Niderstocke isch es Dorf im Stocketau. D Gmeindsflächi het us 26 % langwirtschaftlecher Flächi, 53,4 % Waud, 3,3 % Sidligsflächi u 17,3 % süschtigi Flächi bstange.[1] D Nachburgmeinde si Höfen, Röitige, Eerlebach u Oberstocke gsii.
Gschicht
Niderstocke isch zum erschte Mal gnennt worde im Jahr 1351 aus Stogken. Bis zum 31. Dezämber 2009 het d Gmeind zum Bezirk Nidersimmetau ghört.
Ywohner
Quäuue: Bundesamt für Statistik 2005[2]
| Jahr | 1850 | 1860 | 1870 | 1880 | 1888 | 1900 | 1910 | 1920 |
| Ywohner | 240 | 251 | 256 | 245 | 223 | 196 | 197 | 206 |
| Jahr | 1930 | 1941 | 1950 | 1960 | 1970 | 1980 | 1990 | 2000 |
| Ywohner | 215 | 214 | 259 | 217 | 214 | 227 | 272 | 291 |
Dr Uusländeraateil isch 2010 bi 1,2 % gläge.[1]
Religion
84,5 % vo de Ywohner si evangelisch-reformiert, 8,2 % si römisch-katholisch (Stang 2000).[1]
Politik
Bi de Nationauraatswahle 2011 het s das Ergebnis ggää:[1] BDP 19,6 %, CVP 1,5 %, EVP 4,2 %, FDP 1,3 %. GLP 4,1 %, GP 6,3 %, SP 10,8 %, SVP 44,0 %, Suschtigi 8,2 %.
Gmeindspresidäntin vo Niderstocke isch d Regula Bettschen gsii (Stang 2013).
Wirtschaft
D Arbetslosigkeit isch im Jahr 2011 bi 0,4 % gläge.[1]
Sprach u Dialäkt
Bir Vouchszeuuig 2000 hei vo de 291 Ywohner 97,6 % Dütsch aus Houptsprach aaggää, 0,3 % Französisch u 0,3 % Italienisch.[1]
Dr bärntütsch Dialäkt vo Niderstocke ghört zum Hochalemannisch.
Weblink
- Anne-Marie Dubler: Niderstocke. In: Historisches Lexikon vo dr Schwiiz.
Fuessnote
- 1 2 3 4 5 6 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv) , Mai 2012
- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )