| Nederroodlef | |
|---|---|
 Wappe vo Nederroodlef | |
| Basisdate | |
| Staat: | Schwiiz |
| Kanton: | Aargau (AG) |
| Bezirk: | Bade |
| BFS-Nr.: | 4035 |
| Poschtleitzahl: | 5443 |
| Koordinate: | 665624 / 252897 |
| Höchi: | 436 m ü. M. |
| Flächi: | 3.33 km² |
| Iiwohner: | 4498 (31. Dezämber 2022)[1] |
| Website: | www.niederrohrdorf.ch |
 Aasicht vo Neder- und Oberrohrdorf Aasicht vo Neder- und Oberrohrdorf | |
| Charte | |
 Charte vo Nederroodlef | |
| Dialäkt: Aargauerdüütsch |
Nederroodlef, bi Usswärtige Nederroordorf, amtlich Niederrohrdorf, esch es Dorf ond e Iiwonermeind im Aargau. Es liit im Bezirk Bade ond gränzt ah Fislischbach, Stette, Oberroodlef, Melige ond Remetschwiil. Zu Nederroodlef ghöred zwöi Wiiler, Holzrüti ond Vogelrüti.
Nederroodlef het 3037 Iiwohner (Stand 2007). S Wachstum esch gross vo dere Gmeind, wills e grossi Aazahl a Neuboute git.
Nederroodlef het zwöi Chendergärte, zwöi Primarschuelhüüser, eis Sek- ond Realschuelhuus (s Schuelsystem esch genau gliich wie em ganze Aargau). D Bezerkschüeler bsueched d Schuel z Bade oder Melige.
Vercheer
Nederroodlef liit a de Kantonsstrooss vo Brämgarte uf Bade und isch dur zwöi Poschtautolinie as öffetlich Vercheersnetz aagschlosse.
De nööchscht Autobaanaaschluss isch nördlich z Dättwil bi Bade zur A1, rund föif Kilometer vom Dorf ewägg.
Literatur
- Patrick Zehnder: Niederrohrdorf In: Historisches Lexikon vo dr Schwiiz.
- Fabian Furter, Martin Handschin, Bruno Meier, René Roca, Miriam Rorato: Rohrdorferberg – Geschichte von Oberrohrdorf, Niederrohrdorf und Remetschwil. 2011.
Weblink
Fuessnote
- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023