Nero
Kaiser vom Römische Riich
Büste vom Nero i de Kapitolinische Musee z Rom
Regierigsziit	13. Oktober 54 – 9. Juni 68
Name	Bis zur Aadopzion: Lucius Domitius Ahenobarbus Vo dr Adopzion bis zur Droonbestigig: Nero Claudius Caesar Drusus Germanicus As Kaiser: Nero Claudius Caesar Augustus Germanicus
Uf d Wält cho	15. Dezämber 37
Geburtsort	Antium, Italie
Gstorbe	9. Juni 68 (im Alter vo 30)
Dodesort	usserhalb vo Rom
Begrabe	Mausoleum vo de Domitii Ahenobarbi, Rom
Vorgänger	Claudius
Nochfolger	Galba
Verhürotet mit	Claudia Octavia Poppaea Sabina Statilia Messalina

Dr Nero (Nero Claudius Caesar Augustus Germanicus;^[1] * 15. Dezämber 37; † 9. Juni 68) isch dr Kaiser vo Rom gsi vo 54 bis 68, und dr letscht vo dr Julisch-claudischi Dünastii.

Si Groossunggle Claudius het en adoptiert und so isch er däm si Erb und Noochfolger worde. Er het dr Droon im Joor 54 bestiige noch em Dood vom Claudius. Wääred siner Regierigszit het sich dr Nero dr Diplomatii und em Handel gwidmet und het d Kultur im Riich understützt. Er het Theater lo baue und athletischi Spiil gsponseret. Si General Corbulo het vo 58 bis 63 im Oste erfolgriich gege s Partherriich Chrieg gfüert und denn d Friidensverhandlige abgschlosse. Dr General Suetonius Paulinus het en Ufstand z Britannie niidergschlaage und s Bosporanische Riich anektiert.

Im Joor 64 isch e groosse Däil vo Rom im ene Stadtbrand aabebrennt und e Hufe Römer häi glaubt, ass dr Nero sälber s Füür gläit het, zum für d Domus Aurea Blatz mache. D Rebellion vom Vindex z Gallie het im Kaiser si Posizioon gschwecht und wo dr Galba z Hispania zum Kaiser usgrüeft worden isch, het dr Nero s vorzooge, sich sälber umzbringe as ermordet z wärde.

Fuessnoote

1. ↑ Uf Latiinisch isch im Nero si Naame eso gschriibe worde: NERO CLAVDIVS CAESAR AVGVSTVS GERMANICVS.