As Noochwort, Noochreed, Schlussreed, Schlusswort oder au Epilog (griech. επίλογος epílogos, mit epi- ‚nochhäär‘ und logos ‚ Wort‘) bezäichnet mä Bemerkige am Ändi vom ene literarische oder rhetorische Wärk. Dr Epilog cha au am Ändi vom ene äinzelne Kapitel stoo.

Wie s Vorwort (Prolog) wird s Noochwort verwändet, zum bim ene Vordraag oder im ene Buech bi dr Interpretazioon z hälfe, d Intenzioon z erklääre oder s Wärk öbberem z widme. Schlusswort si bsundrigs bi dramatische Wärk gebrüüchlig und sölle mäistens d Gedanke vom Dichder usdrucke oder Antworte uf Frooge gee, wo im Buech oder im Theaterstück offe bliibe si, oder si gäbe dr Gschicht e Moral.

Verwandti Begriff

Nid s gliiche wien e Epilog isch s Noochspiil as literarischi Form im Drama, won en erbaulichs Chliiwärk am Ändi vom e Stück isch und vilmol kä Zämmehang mit em het. Ursprünglig isch si Zwäck gsi, de Lüt bim Uusegoo us em Theater d Zit z verdriibe.

Bi Film entspricht em Epilog dr Abspann.

Dä Artikel basiert uff ere fräie Übersetzig vum Artikel „Nachwort“ vu de dütsche Wikipedia. E Liste vu de Autore un Versione isch do z finde.