C. D. Friedrich: Landschaft mit em Mondrägeboge, 1810
| Dialäkt: Markgräflerisch (Ebringe) |
E Morägeboge isch e Rägeboge, wo dur s'Moliecht entstot. Morägeböge sin, wil au dr Vollmo iber 400.000 mol schwächer wie d'Sunne isch, liechtschwach un schwer z'sähe, insbsunder wenns Liechtverschmutzig git.
Die atmosphärische Bedingige fer e Morägeboge sin e helle Mo, wo mindischtens fascht voll isch. Es muess uf dr Site vum Horizont rägne, wo im Mo entgegegsetzt isch, un dr Himmel muess bsunders dert, wo dr Regeboge stoht, dunkel si. Dr Mo derf usserdem nit höcher wie 42° yberem Horizont sto.
S'Liecht vum Morägeboge erschint im blosse Aug grau, wil's vil z'schwach isch, um d'Farbrezeptore vum menschliche Aug azrege. Uf Photos isch dr Rägeboge ufgrund vu dr andere Eigeschafte vu dr Photooptik un dr längere Beliechtig farbig.
Weblink un Quelle
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.