De Mittwuch isch de dritt Dag in de Wuche (noch dr DIN 1355 sit 1976), noch dr christlich/jüdische Zellung dr viert. Noch dera Zellig isch er genau i de Mitti vo de Wuche und do devo chunnt au sin dütsche Name. Noch de neue und hüt übliche Wohrnemig vo de Wuche häts zwai Täg (Mäntig und Zystig) vor em Mittwuch, aber vier Täg nochher (Dunschdig, Frytig, Samstig und Sunntig) und drum ischer hüt nume no vo de Schuelwuche d Mitti.

Männgi sage au Miagde bzw. wytume i der Nordostschwiz Mikte, Miktig, Mektig. D Grundlag für das Miagde, Mikte, Miktig, Mektig isch en alts Mitchen, wo im 13. und 14. Jorhundert au i de Schriftsproch hüfig gsi isch; d Metathese (Umchehrig) vo tch, tk zu cht, kt, gt gchännt me scho um 1300. Der Uusluut ig isch debii vo de andere Wuchenäme übernoo.[1]

Frejer het de Mittwuch Wotanstag gheisse, wie hüt no änglisch Wednesday.

Fuessnote

  1. ↑ Schweizerisches Idiotikon, Band XV, Artikel Mittwuch, ab Spalte 240, mit Aamerkig Spalte 244.


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.