Under Mördschendäising ( ängl. merchandising, merchandise, vo ängl. merchant – Verchäufer) bzw. Verchaufsförderig, au Absatzförderig, verstoot mä in dr Kommunikazioonsbolitik vom Marketing vo Konsuumgüeter d Brodukzioon, dr Verdriib und d Wärbig für Markenardikel, wo s gliiche Logo oder die gliichi Bootschaft dranspordiere wie e bekannts Markebrodukt, ohni dass si dr gliich Nutze wurde biete. Besundrigs überdräit mä eso e positives ideells Markenimidsch blaanmäässig uf e Hufe Gebruuchsgüeter.
.jpg.webp)
Mördschendäising-Ardikel vom Sportautihersteller Porsche.
Im Geegesatz zu dr äigentlige Verchaufsförderig, wo dr Verchauf vo Brodukt und Läistige understützt, wärde bim Mördschendäising nöiji Wärt gschafft.
Bischbil
Merchandising SL Benfica & Sporting CP.
- Bekannti Film mit eme groosse Mördschendäising-Aagebot: Star Wars, Jurassic Park, Star Trek, Harry Potter, Transformers
- Bekannti Videospiile mit eme groosse Mördschendäising-Aagebot: Pokémon, Final Fantasy
- Bekannti Comicfiguure mit eme groosse Mördschendäising-Aagebot: Micky Maus, Spider-Man, Batman, Garfield
- Bekannti Sportler oder Sport-Mannschafte (Sportmarke) mit mit eme groosse Mördschendäising-Aagebot: David Beckham, FC Bayern München, Borussia Dortmund
- Bekannti Muusiker, bsundrigs in dr Rock- und Metal-Muusig, mit eme groosse Mördschendäising-Aagebot: Michael Jackson, The Rolling Stones, Bob Marley
Weblingg
- Band Merchandising Grundleegendi Informazioone
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.