de Martin O. z Puchheim (Bayern), 2016

De Martin O. (* 17. November 1975[1]; aigentlich Martin Ulrich) isch en Schwizer Stimmartist, Beatboxer und Musiker.

Läbe

De Ostschwizer Martin Ulrich isch z Abtwil, as mittlere vo drü Brüedere, in ere musikalische Familie ufgwachse.[2] Scho as Chind isch sis Giige- und Klavierspiil und sis musikalische Inträsse gförderet worde. Churz noch em Abschluss vo de Uusbildig zum Primarlehrer hät er sich entschide, d Musig zu sim Bruef z mache. Sis künstlerische Schaffe goht vo klassische Gsangselemänt bis ane zu rhythmischem Beatboxe. Er isch as Komponist för sini aigne Programm aber au för Film, Schauspiil, Zirkus und anderi Musigprojekt tätig.[3] Z Appezöll, gründet (2001[2]) 2007 z Sanggalle,[4] betribt er sini Firma «Stimmart GmbH».[5] Er hät ab 2010 för fööf Johr z Gääss gwohnt. Sit 2015 läbt er mit sinnere Partneri und em Töchterli z Sanggalle.[1]

Künstlerischi Laufbahn

Als Mitgliid vo de A-cappella-Gruppe «hop o’my’thumb» isch de Martin Ulrich während es paar Johr uf de Bühni im In- und Ussland underwägs gsi. Noch däne erfolgriiche gmainsame Johr hät sich die Gruppe 2006 ufglöst und sich vo de Bühni verabschidet. Vo 2006 bis 2011 isch er musikalische Laiter vom «Hitzige Appezöller Chor» gsi.[6]

Sit 2007 isch de Martin Ulrich as Martin O. underwägs und es isch sis erscht Soloprogramm «Stimmentänzer» entstande. 2011 chunnt s «Cosmophon» dezue und sit März 2016 gastiert er au mit sim dritte Bühneprogramm «Der Mausiker».[7] De Martin O. verwandlet sini Stimme mit Hilf vo sim «Symphonium»,[8] es Loop-Grät, wo kunstvoll i appezäller Nussbomholz iigschaffed worden isch, in es Orchester samt Chor.

Uuszaichnige

  • 2013: Publikumspriis «Wilhelmshavner Knurrhahn», Dütschland
  • 2012: Kulturpriis & Publikumspriis «Unterföhringer Mohr», Deutschland
  • 2012: Dütsche Chliikunstpriis i de Sparte Chanson / Musig / Lied
  • 2011: Förderpriis vo de NRZ, Neue Rhein Zeitung, Dütschland
  • 2010: Schwizer Innovazionspriis «SurPrix» vom Chlikunstverband, KTV (Vereinigung KünstlerInnen – Theater – VeranstalterInnen)

Wärch

Bühneprogramm

  • 2007: «Stimmentänzer»
  • 2011: «Cosmophon»
  • 2016: «Der Mausiker»

Diskografii

als Martin O.:

  • «...der mit der Stimme tanzt»

mit hop o’my’thumb:[9]

  • triopolis
  • quadrastique II live
  • cirqu’appella
  • quadrastique
  • s’ainta fex

Fuessnoote

  1. 1 2 Ein Solist, der auf der Klaviatur der Stimme spielt (Memento vom 17. Mai 2016 im Internet Archive) Artikel vom Andreas Ditaranto im Anzeiger (s Ostschwizer Wuchemagazin), Uusgoob 16/2016 vom 20. April 2016
  2. 1 2 Stimmakrobat mit Humor Tagblatt Online, Artikel vom 2. Februar 2012
  3. ↑ Martin O. uf srf.ch, Artikel vom 25. März 2013
  4. ↑ Milestones (Memento vom 11. Mai 2016 im Internet Archive) uf de Website martin-o.ch, abgruefen am 11. Mai 2016
  5. ↑ Das Präzisionsmundwerk in Appenzell (Site cha nüme abgrüeft wärde; Suche im Webarchiv) Appezöller Volksfründ, Artikel vom 17. Jänner 2012
  6. ↑ Über uns uf de Website vom «Hitziger Appenzeller Chor», abgruefen am 8. April 2016
  7. ↑ Stimmakrobat Martin O. uf casinotheater.ch, abgruefen am 8. April 2016
  8. ↑ Hochleistungssport mit der Stimme Tagblatt Online, Artikel vom 23. April 2016
  9. ↑ Biografie uf hop-ch.ch, abgruefen am 8. April 2016
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.