D Marie Sallé mit de drei Grazie vom Nicolas Lancret, um 1730

D Marie Sallé (* um 1707; † 27. Juli 1756) isch e franzöösischi Dänzere, Zitgenossin und Rivalin vo dr Marie Camargo gsi.

D Sallé isch im Miliöö vom Bariiser Joormäärttheater ufgwaggse. Iire Vater isch en umbedütende Joormäärtdänzer oder -akrobat gsi. 1718 het si uf dr Foire Saint-Laurent z Bariis in dr komische Opere „La Princesse de Carisme“ vom Alain Lesage debütiert. Spööter isch si Schüelere vo dr Françoise Prévost worde.

Vo 1725 bis 1727 isch si z London gsi. Erst wo si dört mit iirem Erfolg Ufseä erregt het, isch si an d Bariiser Opere anggaschiert worde. Iir Debüü in dr Opere het si am 14. Septämber 1727 gee, im ene Pas de deux mit em David Dumoulin.

Litratuur

• Karl Viktor Prinz zu Wied: Königinnen des Balletts. 200 Jahre europäisches Ballett. List, Münche 1961 (List-Bücher; 194).