Made in Heaven isch s fufzääte Studioalbum vu dr britische Rockband Queen. Es isch s letschte, wo under em Naame „Queen“ veröffentligt worde isch. S isch 1995 erschiine. Uf em Album si die letschte Lieder, wo dr Freddie Mercury, wo 1991 gstorbe isch, gsunge het. Das si You Don’t Fool Me, e Popsong, wo vom Disco beiiflusst isch, A Winter’s Tale, won e winterligs Idüll beschribt, und Mother Love, wo explizit sich druf bezooge het, wie s em Freddie Mercury gange isch: „I’m a man of the world and they say that I’m strong / But my heart is heavy and my hope is gone.“ „I long for peace before I die.“ Wil dr Mercury Mother Love nüm het chönne fertig ufnee, het dr Brian May die letschti Stroofe gsunge.

Titellischt

1. It's A Beautiful Day - 2'32
2. Made In Heaven - 5'25
3. Let Me Live - 4'45
4. Mother Love - 4'49
5. My Life Has Been Saved - 3'15
6. I Was Born to Love You - 4'49
7. Heaven for Everyone - 5'36
8. Too Much Love Will Kill You - 4'20
9. You Don't Fool Me - 5'24
10. A Winter's Tale - 3'49
11. It's A Beautiful Day (reprise) - 3'01
12. Yeah - 0'04
13. Untitled Hidden Track - 22'33

Weblink

• Made in Heaven uf queenonline.com, dr offiziälle Websyte vu dr Band