 |
Dä Artikel behandlet es Gwässer. Witeri Bedütige findt me do. |
| Maag | ||
 d Maag, oder was vu ihre nuch übrig blibe isch d Maag, oder was vu ihre nuch übrig blibe isch | ||
| Date | ||
|---|---|---|
| Laag | Kanton Sanggalle; Schwiiz | |
| Flusssystem | Rhii | |
| Abfluss über | Linth → Limmat → Aare → Rhii → Nordsee | |
| Quelle | Weese 47° 7′ 58″ N, 9° 5′ 21″ O | |
| Mündig | Vor em Biberlichopf in LinthkanalKoordinate: 47° 7′ 48″ N, 9° 4′ 9″ O; CH1903: 723699 / 221166 47° 7′ 48″ N, 9° 4′ 9″ O | |
| Lengi | 3,1 km | |
| Dialäkt: Glarnertüütsch |
D Maag isch hüt e Bach i de Schwiz, wu d Ebeni westlich vu Wesä im Kantuu Sanggalle entwässeret. Östlich vum Biberlichopf flüüsst är uf Schänner Bode in Linthkanaal.
Name
Öb de Uusfluss us em Walesee tatsechlich de Name «Maag» traid hed, isch i de Namesforschig umstritte; lueg dodezue au under Limet. De Hans Jacob Leu nennt de Flussabschnitt i sine Allgemeine Helvetische oder Schwizerische Lexike jedefalls wie de Hauptzuefluss vom Walesee, nämlig «Seez».[1]
Gschicht
D Maag isch früener dr Abfluss vum Walesee gsii, sozsäge d Fortsetzig vu dr Seez, wu bi Walestadt i See flüüsst. Si isch dänn bi Ziegelbrugg i di duezmol nuch natürlich Linth gflossä. Will mer im Nüünzechnetä Jaarhundert hät müese s Land dräniere, isch s Landschaftsbild anderscht wordä. Hüt isch de Linthkanaal, wu bi Wesä aafangt, dä wu s Wasser i Richtig Zürisee abfüert. Är isch wie s übrig Linthwerch vu 1807 bis 1816 dur Fronarbeiter under dr Läitig vum Johann Konrad Escher erschtellt wordä.
Weblink
- D Korrekziuu vu dr Linth
- Peter Ziegler: Linth (Fluss). In: Historisches Lexikon vo dr Schwiiz.
Fuessnoote
- ↑ Allgemeinen Helvetischen oder Schweizerischen Lexikon, XIX. Theil, Zürich 1764, S. 98, Artikel Wallenstadter- oder Wallen-See